Bul faktor tutastaı alǵanda altyndy satyp alýǵa, onyń álemdik naryqtardaǵy baǵasynyń ósýine baılanysty boldy. 2019 jyly baǵasy asa qymbat bolmaǵan altyn baǵasy 2020 jyly 24,9% -ǵa ósti. Sarapshylar álemdik derjavalar arasyndaǵy taıtalastar kesirinen osy baǵaly metal baǵasy búkil dúnıejúzinde qymbattap jatqanyn aıta bastady.
Finam.ru saıtynyń habarlaýynsha, eger jyl basynda altyn bir troı ýnsııasyna 1520 dollardan satylsa, onda 12 tamyzda ol bir ýnsııa úshin 1898,8 dollar boldy.
Aıtpaqshy, Dúnıejúzilik Altyn Keńesiniń málimeti boıynsha, 2020 jyldyń maýsym aıyndaǵy jaǵdaı boıynsha altyn qory boıynsha alǵashqy úsh eldiń qataryna AQSh (8133,5 tonna), Germanııa (3363,6 tonna) jáne Italııa (2451,8 tonna) kiredi.
Qazaqstan altyn qory boıynsha elder reıtınginde 15-shi orynda tur. Munan keıin О́zbekstan, Saýd Arabııasy jáne Ulybrıtanııa tur.
Salystyrý úshin: Reseı altyn qory boıynsha besinshi orynda, Belarýs 46-shy orynda. Bizdiń elimizdegi altyn qory 377 tonna dep baǵalanady, Reseıde bul kórsetkish alty ese joǵary: 2298 tonna. Belarýs Respýblıkasynda altynnyń qory 49,5 tonnadan asady.
Qazaqstannyń halyqaralyq rezervterindegi erkin aıyrbastalatyn valıýtadaǵy aktıvterdiń úlesi jyl basynan beri 34,8% -dan 32,3% -ǵa deıin tómendedi. 2020 jylǵy 1 tamyzdaǵy jaǵdaı boıynsha valıýtadaǵy aktıvter $ 11,4 mlrd qurady.
Sarapshylar altyn dástúrli aqshanyń balamasy bolmasa da aqshany aıyrbastaýǵa qýaty jetetinin aıtyp jatyr. Dúnıejúzinde Basel III jańa halyqaralyq banktik erejeler altynǵa «100%-ǵa baǵalanatyn birinshi deńgeıdegi aktıv» retinde bekitildi. Bankter osy erejege sáıkes altyndy «aqsha ekvıvalenti» retinde emes, «aqsha túri» retinde qabyldaıdy. Bul faktor aldaǵy ýaqytta altyn kepildigi úshin bankter burynǵydan kóbirek kredıt beretinin bildirip tur. Nátıjesinde, bankter altyn baǵasynyń tómendeýine emes, qaıta qymbattaýyna múddeli ári yntaly bolady.
