"Oqýlyqtardy daıyndaýdyń jańa júıesi tolyqqandy engiziletin bolady. Kópten beri bul másele sheshimin tappaı kele jatyr. Bizdiń oqýlyqtarda kóptegen kemshiliktiń bar ekenin moıyndaýymyz kerek. Jalpy, oqýlyqtardy ázirleý júıesiniń ózi jetile qoımaǵan. Biraq bul tek baspalardyń, avtorlardyń, ıa basqa da toptardyń kinási dep aıtýǵa bolmaıdy", dep atap ótti A.Aımaǵambetov.
Soǵan oraı Bilim mınıstri búkil prosess qaıta baǵdarlanǵanyn jáne jańartylǵanyn tilge tıek etti.
"Oqýlyqtar boıynsha jumys memlekettik jalpyǵa mindetti standartqa jáne tıptik josparlar men baǵdarlamalarǵa sáıkes daıyndalady. Ári qaraı avtorlardy saraptaý, testileý, daıyndap oqytý jáne basylymdaǵy jumys barysy pysyqtalyp jatyr. Osy minberdegi bıznes-úderisterdiń barlyǵy jańa formatta iske asyrylatyn bolady", dep túıindedi Bilim mınıstri.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
