Ofıserler men kelisimshart boıynsha áskerı qyzmetshiler Kalashnıkov avtomatynan baqylaý atys jattyǵýlaryn oryndady.
Koronavırýstyq ınfeksııaǵa baılanysty epıdemııalyq jaǵdaı daıyndyq formatyna túzetýler engizgenine qaramastan, áskerlerdegi jaýyngerlik oqý bekitilgen josparlarǵa sáıkes jáne karantındik sharalardy qatań saqtaý arqyly jalǵasýda. Qazirgi ýaqytta áskerlerde rotalyq taktıkalyq toptarmen taktıkalyq oqý-jattyǵýlar jáne vzvodtardyń jaýyngerlik atystary ótýde. Komandırler ártúrli urystardy uıymdastyrý jáne júrgizý, jaýyngerlik tártip pen ot júıesin qurý kezinde baǵynysty bólimshelerdi basqarý daǵdylaryn shyńdaıdy, al jeke quram shtattyq qarý-jaraq pen jaýyngerlik tehnıkany sheber jáne tıimdi qoldanýda dalalyq daǵdyny jetildiredi.
2020 jyldyń maýsym-shilde aılarynda Qurlyq áskerlerinde 33 myńnan astam maman daıarlandy. Ár aptada árbir toptyń jeke quramynyń 50% qatysýymen sabaqtar ótkiziledi. 8000-nan astam atys júrgizilip, onyń 3000-nan astamy túnde ótkizildi. 55-ke jýyq dalalyq shyǵý, 30 shaqyrymǵa 40-qa jýyq jaıaý júrý sherýi uıymdastyryldy. Áýe-desanttyq daıyndyq aıasynda shilde aıynda áskerı qyzmetshiler 4500-den astam sekirý oryndady.
Shekteý sharalary jaǵdaıynda deneshynyqtyrý daıyndyǵy qashyqtan jumys rejiminde dene jattyǵýlaryn uıymdastyrý jáne ótkizý jónindegi usynystarǵa sáıkes uıymdastyrylǵanyn atap ótken jón. Bul aptalyq jattyǵý jospary, oǵan kúsh qasıetterin damytýǵa arnalǵan jattyǵýlar jıyntyǵy kiredi. Osylaısha, tipti qashyqtan áskerı qyzmetshiler ózderiniń dene shynyqtyrý deńgeıin saqtaıdy.
