Demokratııalyq partııa sezinde Djo Baıden resmı túrde bekitildi. Onyń kandıdatýrasyn qoldaýshylardyń arasynda AQSh-tyń burynǵy prezıdentteri Bıll Klınton men Djımmı Karter, sondaı-aq AQSh-tyń eks-memlekettik hatshysy Kolın Paýell bar.
Jıyn barysynda sóz sóılegen Bıll Klınton Donald Trampty synǵa aldy. «Qazirgideı jaǵdaıda Aq úı basqarýshy ortalyq bolýy tıis edi. Kerisinshe, Aq úı daýyldy ortalyqqa aınaldy. Onda tek alasapyran bar. Bir nárse eshqashan ózgermeıdi: D.Tramptyń jaýaptan qashýy men kináni basqaǵa aýdarýy», dedi B.Klınton.
Al Aq úıdiń qazirgi basshysy Donald Tramp Demokratııalyq partııanyń ókilin qoldaıtyn respýblıkashylardy synady. Onyń aıtýynsha, Baıden – «solshyl partııa qolyndaǵy qýyrshaq».
Qazirgi tańda muhıttyń arǵy betinde saılaý aldy naýqan qyzǵan shaq. Osyǵan baılanysty D.Tramp Arızona shtatyna bardy. Bir qyzyǵy, osy shtattaǵy saýaldama nátıjesine súıensek, Djo Baıden oq boıy ozyp keledi. Áıtse de, keıingi birneshe aptada Trampty qoldaıtyndar sany artqan.
