Qazaqstan polısııasy Reseı azamaty Olga Kleınardtyń Qazaqstanǵa ekstradısııalanýyna qoljetkizdi. Ol Questra World iri qarjy pıramıdalarynyń birin uıymdastyrdy dep aıyptalýda.
Olga Kleınard bizdiń elimizdiń aýmaǵynda alaıaqtardyń áreketterine jetekshilik etti. Alaıaqtyq áreketteriniń nátıjesinde myńdaǵan qazaqstandyq aldanyp, keltirilgen shyǵyn somasy 1 mlrd teńgeden asty. Ol Belarýs Respýblıkasynyń aýmaǵynda ustaldy. Keshe ol Nur-Sultan qalasyna jetkizildi. Qazirgi ýaqytta kúdikti azamatsha tergeý ızolıatorlarynda.
Esterińizge sala keteıik, Questra World kompanııalar toby týraly qylmystyq is boıynsha buǵan deıin QR IIM qyzmetkerleri segiz adamdy ustaǵan bolatyn. Alaıaqtardyń áreketteri oıdan shyǵarylǵan ınvestısııalyq portfel túrlerin satý týraly aqparat ornalastyrylǵan veb-saıttardyń kómegimen jumys istegen. Alaıaqtar azamattarǵa ınvestısııadan jyldyq 300%-ǵa deıin paıda tabýǵa ýáde bergen. Questra World qarjy pıramıdasynyń taǵy birneshe elde jumys istegeni anyqtaldy.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
