QARBALASTYQ QYZǴAN ShAQ

Aýyl sharýashylyǵyndaǵy qar­balas jumys áste tolasta­maı­dy. Osyndaı bir sátte Ker­bulaq aýda­nyndaǵy elıtaly bı­daı tuqymyn ósiretin  egistik al­qabynda bolyp, ondaǵy tálimdi tájirıbe óńirdegi dıqan qaýymynyń nazaryna usy­nyl­ǵan jıynǵa qatysqanymyz bar edi. Taqta-taqta bolyp, samal jel­­men baıaý terbelgen elıtaly tuqym alqabyndaǵy “Bezostaıa-1”, “Odes­skaıa-120” ósirilgen altyn as­tyq­tyń bıiktigi men qaýyzy tolǵan dán­deri tańdan­dyr­ǵan edi. Sodan beri de bul úrdis jalǵasyp, astyq al­qap­ta­rynda aýyspaly egis júıe­sin saq­taý, nóldik tehnologııany qol­daný ushtastyrylyp, tabys­ty sala órkendetilip keledi. Kerbulaq astyqty aımaq bo­lyp sanalǵandyqtan, mundaǵy aýyl sharýashylyq qurylym­da­ry 104 myń gektardan asa al­qap­qa dán sebýdi bastap ta ke­tipti. Mun­da­ǵy irgeli sharýa­shy­lyq qataryn­daǵy “Qyzyljar” óndiristik ko­ope­ratıviniń dı­qan­dary kóktemniń qolaıly sátin barynsha tıimdi paıda­lanýǵa jumylǵan. Qurylym aǵymdaǵy jyly “egin ekseń ebin tap” demekshi, dán­di daqyl alqabyn keńeıtip, 2000 gektarǵa jazdyq arpa, 1000 gektarǵa kúzdik bıdaı, osyn­shama gektarǵa maqsary tuqy­myn seýip, naýqandy nátıjeli bastaǵanyn aıtýǵa bolady. Bıyl olar alǵash­qy ret maqsary egip, tálimi jerge ornalastyrylǵan daqyldyń ósimi jaqsy bolady dep topshylaýda. О́ıt­keni, ony kútip-baptaýǵa Úki­met tarapy­nan sýbsıdııa qaras­ty­rylypty. Ony qaıta óńdeýden ótkizetin “Sarybulaq” jaýapker­shi­ligi shekteýli seriktestigimen keli­sim-shart jasasqan. Osylaısha, óńdeýshi kásiporyn daqyldan maı shyǵaryp, onyń qaldy­ǵy­nan jem daıyndalmaqshy. Sharýashylyq elıtaly tu­qym­­dy kóbeıtýmen de aına­lys­qan­dyq­tan, buǵan deıin mem­leketten sýb­sıdııa alyp kelse, bıyldan bastap mundaı qarjy osy tuqymdy satyp alýshylarǵa beriletin bolypty. Munyń dı­qan­darǵa da tıimdi jaǵy bar eken. Tuqym ósirýshiler endi ónimniń baǵasyn ózderi qoıyp, ony kóterýine múmkindikteri bar. Kóktemniń ár kúnin tıimdi paı­dalanǵan kooperatıv ujymy ylǵal saqtaý men jıyn-terin aıaq­talǵan soń topyraqtyń keýip ket­peýin de nazarda ustap keledi. Osyn­daı agrotehnıka­lyq jumys­tar­dyń uıymshyl­dyq­pen atqary­lýy­na qajetti teh­nıka jetkilikti desek, 25 trak­tor, 4 “K-700”, 23 tu­qym sep­kish, 120 tyrma, 13 kom­baın, 7 soqa jáne 30 júk tasıtyn av­­tokólik qatystyrylyp, meha­nı­­zator qaýymy jaýapkershi­lik­terin jete sezingen. Ujymdaǵy 140-qa jýyq eńbek adamy da ortaq baı­lyq­tyń eselenýine óz úlesterin qosyp keledi. Eńbek ada­mynyń aılyq tabysy da ja­man emes. Aýdan­dy aralaǵan sa­pa­rynda oblys ákimi Serik Úm­be­tov te bul máseleni koope­ra­tıv tóraǵasy Bazarbaı Baı­mu­ham­be­tovke erekshe tapsyrǵan bolatyn. Atalǵan aýyl sharýashylyq qu­rylymynda bıznestiń áleý­met­tik jaýapkershiligi qalypta­syp, orta mektep, dárigerlik qo­syn, poshta bólimshesi men aýyl­daǵy kóp balaly otbasy­la­ry­na árdaıym kómek kórse­tilip, azyq-túlik, otyn máselesi sheshimin tabýda. Qyrdaǵy eńbek kórigi osy­laı­sha qyza túsken. Kóktemniń al­ǵash­qy kúnderi dán sebýge qolaısyz bolǵandyqtan, olqy­lyq­tyń ornyn toltyrý úshin dıqan-mehanıza­tor­lar ýaqyt­pen sanaspaı eńbek etýde. Bú­gin­gi mańdaıterdiń óteýi mol as­tyq ekenin olar jete túsingen. Kúmisjan BAIJAN. Almaty oblysy.