Ekonomıka • 25 Tamyz, 2020

2021 jyly damý bıýdjetiniń kólemi 900 mlrd teńge somasynda josparlanǵan

45 ret kórsetildi

Premer-Mınıstr Asqar Mamınniń tóraǵalyǵymen ótken Úkimettiń selektorlyq otyrysynda "2021-2023 jyldarǵa arnalǵan respýblıkalyq bıýdjet týraly" zań jobasy qaraldy. Otyrys barysynda Qarjy mınıstri E. Jamaýbaev jobanyń negizgi baǵyttary boıynsha baıandama jasady, - dep habarlaıdy Egemen.kz Premer-Mınıstrdiń baspasóz qyzmetine silteme jasap.

Zań jobasy ekonomıkalyq ósimniń baıaýlaýy jáne álemdik taýar naryqtarynda qolaısyz konıýnktýra jaǵdaılarynda el ekonomıkasynyń 2025 jylǵa deıingi damý boljamy negizinde ázirlendi. Bıýdjet jobasyn qalyptastyrý kezindegi basym mindetter — memlekettiń áleýmettik mindettemelerin qamtamasyz etý jáne memlekettik ınvestısııalardyń qolaıly deńgeıin saqtaý.

E. Jamaýbaevtyń aıtýynsha, 2021 jylǵa túsimder 11,4 trln teńge deńgeıinde boljanyp otyr. Respýblıkalyq bıýdjettiń kiristeri (transfertterdi eseptemegende) 2021 jyly 6,9 trln teńgeni, 2022 jyly 8,6 trln teńgeni, 2023 jyly 9,2 trln teńgeni quraıdy. Ulǵaıý negizinen korporatıvtik tabys salyǵy, qosylǵan qun salyǵy jáne shıki munaıǵa eksporttyq kedendik baj boıynsha kútilýde. Bıýdjet tapshylyǵy 2021 jyly jalpy ishki ónimniń 3,4%-nan 2023 jyly kezeń-kezeńmen jalpy ishki ónimniń 2,1%-na deıin tómendeýimen josparlanǵan. Mınıstrdiń aıtýynsha, shyǵystar 2021 jyly 14 trln teńgeni quraıdy. Bıýdjettiń aǵymdaǵy shyǵystary kelesi jylǵa 13,1 trln teńge deńgeıinde anyqtaldy. Damý bıýdjetiniń kólemi 2021 jyly 900 mlrd teńge somasynda josparlanyp otyr.

E. Jamaýbaev atap ótkendeı, jobada bıýdjettiń áleýmettik baǵyty saqtaldy. Shyǵystar qurylymyndaǵy áleýmettik salanyń úlesi 50,4%-dy quraıdy. Osylaısha, áleýmettik salaǵa 2021 jyly 2020 jylmen salystyrǵanda 454 mlrd teńgege ósimmen 7 trln teńge josparlandy. Jyl saıynǵy ındeksteý jáne zeınetaqy men járdemaqy alýshylar kontıngentin ulǵaıtýǵa kelesi jylǵa qosymsha 265 mlrd teńge kózdeldi.

Sondaı-aq pedagogter men dárigerlerdiń jalaqylaryn kóterý jolymen olardyń mártebesin arttyrý jónindegi Prezıdenttiń tapsyrmalaryn iske asyrý boıynsha barlyq is-sharalar josparlanǵan.

Ekonomıkanyń naqty sektorynyń damýyn qoldaýǵa 2021 jylǵa 1,7 trln teńge kózdeldi. Osy qarajat aıasynda «Nurly jol», «Nurly jer», agroónerkásiptik keshendi damytý, ındýstrııalyq-ınnovasııalyq damý men «Bıznestiń jol kartasy – 2025» jáne taǵy basqa baǵdarlamalardy iske asyrý jalǵasady.

Mınıstr atap ótkendeı, 2021 jyly óńirlerge respýblıkalyq bıýdjet qarajaty esebinen 3,8 trln teńge bólinedi, bul jalpy bıýdjet shyǵystarynyń shamamen 27%-yn quraıdy. Onyń ishinde aǵymdaǵy nysanaly transfertteri — 1,4 trln teńge, damý transfertteri túrinde 405 mlrd teńge kózdeldi.

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.

Sońǵy jańalyqtar

Koronavırýstyń «Serber» shtamy tez juǵady

Koronavırýs • Búgin, 13:32

Ulytaý oblysynyń ákimi taǵaıyndaldy

Taǵaıyndaý • Búgin, 11:50

Batys Qazaqstan oblysynyń ákimi taǵaıyndaldy

Taǵaıyndaý • Búgin, 11:06

Japonııa quramasy Ispanııany jeńdi

Fýtbol • Búgin, 10:33

Almaty mańynda jer silkindi

Aımaqtar • Búgin, 10:02

Jas tennısshilermen kezdesý

Tennıs • Búgin, 07:47

Italııalyq legıonermen tolyqty

Sport • Búgin, 07:45

Jas ǵalymnyń jetistigi

Ǵylym • Búgin, 07:43

Sıfrlyq teńge qoldanysqa enedi

Qarjy • Búgin, 07:41

Bıznesti jarylqaıtyn baǵdarlama

Bıznes • Búgin, 07:40

Reseıden soń Fransııaǵa keldi

Álem • Búgin, 07:34

Uqsas jańalyqtar