Ekologııa • 25 Tamyz, 2020

Almatyda taý baýraılarynyń biri otqa orandy

145 ret kórsetildi

25 tamyzda saǵat 13.25-te Tóle bı kóshesi men Shyǵys aınalma jolynda qurǵaq shópter órtengeni týraly habarlama kelip tústi. Atalǵan jaıtty Almaty qalasynyń TJ departameniń baspasóz qyzmeti habarlaıdy, - dep jazady Egemen.kz

Birinshi órt sóndirý esepteri kelgende Tóle bı kóshesinen tómen shyǵys aınalma jolynyń batys jaq betkeıinde qurǵaq shópter janyp jatqanyn anyqtady. О́rttiń aýmaǵy shamamen 1,5 gektardy qamtydy. Qatty soqqan jel men bıik ósken shópterden betkeıdiń joǵary jaǵynda ornalasqan jeke turǵyn úılerge taralý qaýpi týyndady. Qyzyl jalyn men turǵyn úılerdiń araqashyqtyǵy 20 metrdi qurady. Jedel qabyldanǵan sharalardyń arqasynda órt oqshaýlandy, 4 órt oqpandary jiberilip, jarylǵyshtar qoldanyldy.

О́rtti sóndirýge jeke quramnan 40 adam, 9 birlik tehnıka jáne ákimdiktiń 1 sý tasymaldaıtyn avtokóligi jumyldyryldy. Qaza bolǵandar men zardap shekkender joq. Sonymen birge, TJD qyzmetkerlerimen keshendi aldyn alý sharalary júrgiziledi. Atap aıtqanda, qala aýdandarynyń ákimdikterimen birlesip, ashyq aýmaqtarǵa japsarlas avtomobıldi jáne temirjol boıynda mıneraldanǵan jolaq (jol) qurý boıynsha sharalar júrgizilýde.

Aýdandarynyń ákimdikterimen 140-tan astam  shaqyrym jol men dalamen japsarlasqan oryndarda jekemenshik sektor jalpy aýmaǵy 213 gektar bolatyn qurǵaq shóp shabyldy. Qabyldanǵan sharalar óz nátıjesin berdi aǵymdaǵy jyly qurǵaq shóptiń janýy 17%-ǵa tómendedi. Osyǵan baılanysty, TJ departamenti ońtústik astananyń turǵyndary men qala qonaqtaryn qurǵaq jáne ystyq aýa raıyn eskere otyryp:

- qýraǵan shópterge temeki qaldyqtaryn tastamaýǵa;

- qurǵaq ósimdikterdiń janynda ot jaqpaýǵa;

- ot tutanyp ketý qaýpi bar synǵan shynylar men bos qutylardy qaldyrmaýǵa shaqyrady.

Aýyr zardaptar  oryn alǵan jaǵdaıda kináli adamdar ákimshilik jáne qylmystyq jaýapkershilikke tartylatyn bolady.

 

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.

Sońǵy jańalyqtar

Petropavlda jas jigitti KamAZ qaǵyp ketti

Aımaqtar • 27 Mamyr, 2022

Uqsas jańalyqtar