Aımaqtar • 25 Tamyz, 2020

Jalaǵash aýdanynda provızorlyq stasıonar jabylyp, sońǵy 2 naýqas úıine qaıtaryldy

28 ret kórsetildi

Jalaǵash aýdanyna qarasty Mádenıet aýyldyq okrýgindegi aýrýhanada sońǵy naýqas emdelip shyǵyp, provızorlyq stasıonar jabyldy, - dep habarlaıdy Egemen.kz.

Indet órshı bastaǵan kezeńde osy aýrýhanadan provızorlyq jáne KVI stasıonarlar ashylyp, 20 tósek orynǵa arnalǵan aýrýhananyń tósek qory 105-ke jetkizilgen edi. Dárigerler deńdegen dertke qarsy turyp, kúni-túni kóz ilmeı eńbek etip, naýqastardyń ómirine arasha boldy.

"Sońǵy ýaqyttyń ishinde stasıonarǵa koronavırýs, pnevmonııa dertimen naýqastar túsken joq. Búgin mundaǵy sońǵy 2 naýqasty shyǵaryp, provızorlyq stasıonardy japtyq. Endi dezınfeksııa júrgizilip, aýrýhana halyqqa qalypty jaǵdaıda qyzmet kórsetetin bolady", – deıdi provızor bóliminiń dáriger meńgerýshisi Ázızbek Jámkeev.

Dárigerler provızorlyq stasıonarda em alyp, úıine asyqqan sońǵy 2 naýqasty qurmet kórsetip shyǵaryp saldy. Naýqasynan aıyqqan azamattar dárigerlerge alǵysyn jetkizdi.

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.

Sońǵy jańalyqtar

Uqsas jańalyqtar