Talqylaýǵa Prezıdent Ákimshiligi memlekettik basqarý bóliminiń meńgerýshisi Áltaıyr Ahmetov, Memlekettik qyzmet isteri agenttiginiń apparat basshysy Bazaraly Baqtygereev, Memlekettik qyzmet salasyndaǵy óńirlik habtyń basqarýshy komıtetiniń tóraǵasy Álıhan Baımenov, Ulttyq ekonomıka mınıstrligi jobalyq basqarý departamentiniń dırektory Ilona Shvarskopf, Prezıdent janyndaǵy Memlekettik basqarý akademııasy memlekettik basqarýdaǵy jobalyq menedjmentti damytý ortalyǵynyń basshysy Arman Evnıev jáne atalǵan Akademııaǵa qarasty kásibı damý ınstıtýtynyń dırektory Margarıta Qadyrova qatysty.
Is-sharada Prezıdent Ákimshiligi memlekettik basqarý bóliminiń meńgerýshisi Á.Ahmetov ýaqyt talabyna sáıkes memlekettik basqarýǵa jańa tásilderdi engizýdiń mańyzdylyǵyn atap ótti. Memlekettik basqarýdyń jańa tujyrymdamasynyń ıdeologııasy ákimshilendirý modelinen servıstik modelge kóshýge baǵyttalǵanyn aıtty. «Kez kelgen uıymda eki negizgi qyzmet túri bar: operasııalyq jáne jobalyq qyzmet. Operasııalyq – kúndelikti, qaıtalanatyn, tehnologııalyq qyzmet. Osy tujyrymdama aıasynda biz ony damytý jáne jetildirý qajet úderistik tásil retinde qarastyramyz. Qazir biz memlekettik qyzmettegi bıznes-prosesterdi ońtaılandyrý jáne avtomattandyrý múmkindigin qarastyrýdamyz. Bul, bizdiń oıymyzsha, memlekettik qyzmetshilerdiń ýaqytyn halyqpen sapaly ózara is-qımylǵa baǵyttaýǵa serpin beredi. Eger jobalyq basqarý týraly aıtatyn bolsaq, memlekettik basqarýdaǵy problemalardyń reestrin jasadyq, olardyń sheshimin jobalyq turǵydan kórip otyrmyz», dedi Á.Ahmetov.
MQIA apparat basshysy B.Baqtygereev jobalyq basqarýdy engizý boıynsha memlekettik qyzmet salasyndaǵy ýákiletti organ júrgizetin jumystarǵa toqtaldy. Onyń aıtýynsha, qazirgi ýaqytta agenttik memlekettik apparatty jobalyq basqarý salasyna beıimdeý baǵytyndaǵy kedergilerdi joıý boıynsha tıisti jumystar atqarýda. «Is júzinde jobany basqarýda ózara is-qımyl mańyzdy ról atqarady. Qazir agenttik «ózara is-qımyldy» damytý maqsatynda uıymdastyrýshylyq ortany ózgertý boıynsha jumystardy júzege asyrýda. Ártúrli qyzmetterdiń, departamentterdiń jáne mamandardyń ózara baılanysy, yntymaqtastyǵy úshin jaǵdaı jasalýda. Bizdiń barlyǵymyzdyń maqsatymyz bir, biz syndarly ózara is-qımyldy bir júıege qoıa alsaq, onda bul jobalyq basqarýdy damytýǵa odan ári septigin tıgizedi», dedi ol.
Budan basqa, B.Baqtygereev Agenttik jobalyq basqarý baǵytynda iske asyryp jatqan «i-kyzmet» jobasy týraly egjeı-tegjeıli aıtyp berdi. «Bul joba memlekettik qyzmetshilerge kúndelikti, qaıtalanatyn jáne túrli túıitkilderden arylýǵa múmkindik beredi. Iаǵnı memlekettik apparat kadrlyq ózine ózi qyzmet kórsetýge kóshedi jáne is júzinde mańyzdy isterge kóp kóńil bólýge múmkindik beredi», dedi MQIA apparat basshysy.
Sondaı-aq agenttiktiń memlekettik organdarmen birlesip jobalyq basqarýdy engizý boıynsha jumysy jalǵasatyny atap ótildi. О́z kezeginde, Ulttyq ekonomıka mınıstrliginiń departament dırektory I.Shvarskopf jobalyq basqarýdyń normatıvtik-quqyqtyq bazasyn engizý boıynsha jumys barysy týraly sóz sóıledi.
Onlaın-konferensııada Memlekettik basqarý akademııasy memlekettik basqarýdaǵy jobalyq menedjmentti damytý ortalyǵynyń basshysy A.Evnıev ózi basqaratyn ınstıtýt arqyly júzege asyrylyp jatqan jobalar týraly áńgimeledi. Onyń aıtýynsha, osy jyldyń qazan aıynda memlekettik sektor úshin jobalyq basqarý boıynsha ulttyq konkýrs ótkizý josparlanýda. «Bul baıqaý jobalyq basqarýdy damytýǵa jáne memlekettik sektorǵa túrli jobalardy iske asyrýǵa yqpal etýge serpin beredi. Baıqaýdy biz úsh nomınasııa boıynsha ótkizýdi josparlap otyrmyz: úzdik joba, jyl jobasynyń úzdik menedjeri, baǵdarlamany júzege asyrýdyń úzdik ofısi», dedi A.Evnıev.
Memlekettik basqarý akademııasynyń kásibı damý ınstıtýtynyń dırektory M.Qadyrovanyń aıtýynsha, memlekettik basqarý júıesine jobalyq menedjmentti engizýdiń sáttiligi kóbinese memlekettik organdardyń kadrlyq quramynyń biliktilik deńgeıine, memlekettik qyzmetshilerdiń belgisizdik jaǵdaıynda kúrdeli máselelerdi sheshýde jobalyq basqarý quraldaryn saýatty paıdalaný qabileti men daıyndyǵyna baılanysty. Osyǵan baılanysty, akademııa bilim berý prosesine jańashyldyqtar engizdi, bul 3000-nan astam memlekettik qyzmetkerdi biliktiligin arttyrý semınarlary men qaıta daıarlaý kýrstary sheńberinde jobalyq menedjmentti oqytýǵa múmkindik berdi.
Sonymen qatar Memlekettik qyzmet salasyndaǵy óńirlik habtyń basqarýshy komıtetiniń tóraǵasy Álıhan Baımenov Qazaqstannyń memlekettik basqarý júıesine jobalyq menedjmentti engizýdiń róli men tarıhy týraly pikirimen bólisti. «Jobalyq basqarýdy engizý jumystaryn biz 2013 jyly bastadyq. Ol kezde Memlekettik qyzmet isteri agenttigi jobalyq basqarýdy damytý baǵyttaryn anyqtap, osy salada alǵashqy sertıfıkattalǵan jattyqtyrýshylardy daıarlady. Jalpy alǵanda, jobany basqarý – operasııalyq bloktyń bóligi. Qazir kóptegen el jobalyq menedjmentti damytýǵa erekshe kóńil bólýde. Bul óte tıimdi qural», dedi Á.Baımenov. Sóz sońynda ol jobalyq basqarý memlekettik qyzmet júıesindegi mańyzdy mindetterdi sheshýdiń ajyramas quralyna aınalatynyna senim bildirdi.
Konferensııa qorytyndysy boıynsha qatysýshylar jobalyq basqarý ashyqtyqty qamtamasyz etýge, eseptilikti boldyrmaýǵa, memlekettik organdar arasynda yntymaqtastyq qurýǵa múmkindik beretin jáne alǵa qoıylǵan maqsattarǵa qol jetkizýdiń tıimdi quraldarynyń biri ekenin atap ótti.
