Qoǵam • 26 Tamyz, 2020

27 mln teńge kóleminde gýmanıtarlyq kómek kórsetti

7 ret kórsetildi

Sybaılas jemqorlyqqa qarsy is-qımyl agenttiginiń qyzmetkerleri medısınalyq uıymdarǵa qaıyrymdylyq kómek kórsetý úshin shamamen 27 mln teńge jınady.

Agenttik qyzmetkerleri koronavırýstyń taralýyna qarsy kúreske kómek retinde bir kúndik jalaqyny aýdarýǵa sheshim qabyldady. Jınalǵan qarajatqa 25 ottegi konsentratory satyp alyndy, olar óńirler arasynda teń bólinetin bolady. О́nimdiligi mınýtyna 10 lıtrge deıingi apparattar tynys alý joldarynyń asa aýyr dertterin emdeýde qoldanylady.

«Árbir uıym áleýmettik jaýapty bolýy tıis. Qoǵam aldyndaǵy áleýmettik jaýapkershiligimizdi túsine otyryp, biz aýrýhanalarǵa ottegi konsentratorlaryn satyp alý úshin bir kúndik jalaqymyzdy aýdarý mańyzdy jáne qajet dep eseptedik. Sol arqyly SOVID-pen qarsy kúreske janashyrlyq tanytamyz», dedi agenttik tóraǵasy A.Shpekbaev.

Sondaı-aq buǵan deıin Intellektini damytý halyqaralyq ınstıtýtynyń dırektory, Koreıa Respýblıkasynyń jergilikti ózin ózi basqarýdyń laýazymdy tulǵalaryna arnalǵan oqytý baǵdarlamalaryn ázirleýshi, professor Djo Gıý Iýn jáne Sybaılas jemqorlyqqa qarsy is-qımyl agenttiginiń ózara yntymaqtastyǵy arqasynda ońtús­tik­koreıalyq taraptan Qazaqstanǵa gýma­nı­tarlyq kómek jiberilgenin atap ótken jón.

«Eır Astana» áýekompanııasynyń qol­daýymen 50 myń AQSh dollaryn quraı­tyn, jalpy salmaǵy 1,5 tonna júk Almaty áýejaıyna keldi. Kelip túsken gýmanı­tar­lyq júk «SQ-Farmasııa» JShS arqyly medısınalyq mekemelerge jiberiledi.

Agenttiktiń aýmaqtyq bólimsheleri jurtshylyq ókilderimen birlesip júkti sońǵy tutynýshyǵa deıin jetkizýdi qamtamasyz etedi. Gýmanıtarlyq taýardy maqsatsyz paıdalanýdy boldyrmaý úshin barlyq kelip túsken dári-dármekter men buıymdar «Gýmanıtarlyq kómek – TEGIN» arnaıy mórtańbasymen tańbalanady.

Agenttik qyzmetkerleri elge kelip túse­tin barlyq gýmanıtarlyq kómekti bólýdi ashyq baqylaý prosesin jolǵa qoıǵanyn atap ótken jón. Sondaı-aq Antıkordyń usynysy boıyn­sha biryńǵaı dıstrıbıýtordyń resmı saı­tynda arnaıy bólim quryldy, onda kez kel­gen adam elge kelip túsken gýmanıtarlyq kómek­ti bólý týraly tolyq aqparatty kóre alady.

О́z kezeginde, «Adaldyq alańy» jobasy aıasynda baǵany kóterý faktilerin boldyrmaý maqsatynda elimizdiń dárihanalarynda aqparattyq broshıýralar ornalastyrylýda. Onda Covid-19 jáne vırýstyq pnevmonııany emdeýge qoldanylatyn dári-dármekterdiń shekti baǵalary kórsetilgen. Azamattarǵa yńǵaıly bolý úshin ýákiletti organnyń Call-ortalyqtarynyń nómirleri men dárilerdiń shekti qunyn retteıtin normatıvtik quqyqtyq aktige silteme jasaı otyryp, QR-kod ornatyldy. Bul basta­ma dárihanalardyń suranysqa ıe dári-dármekterdiń baǵasyn negizsiz kóterýiniń tejeýshi faktory bolyp tabylady.

 

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar