Bul azamattardyń salyq boıynsha jalpy bereshegi 263 845 620 teńgeni quraıdy. Onyń ishinde negizgi qaryzdyń úlesi – 166 150 674 teńge. 97 694 946 teńge – eseptelgen ósimpuldar.
Antıreıtıng tiziminiń basynda Almaty qalasynyń azamaty tur. Onyń tóleýge tıis kólik salyǵynyń jalpy somasy 11 mln teńgege jýyq. Bul soma boıynsha negizgi qaryz – 6 314 141 teńge. Al jınaqtalǵan ósimpul – 4 618 660 teńgeni quraıdy, – dep habarlady. Memlekettik kirister komıtetiniń baspasóz qyzmeti.
Jer salyǵy boıynsha boryshy eń kóp adam Aqtóbe qalasynda turady. Ol jalpy somasy 723 455 teńge qaryzyn ótegen jaǵdaıda 73 719 teńge ósimpuly óshiriledi.
Múlik salyǵy boıynsha da qaryzy qaýǵalanyp qalǵandar az emes. Salyqtyń bul túri boıynsha nursultandyq turǵyn kósh basynan kórinipti. Onyń jalpy qaryzy – 1 165 033 teńge. Negizgi qaryz somasyn tólegen jaǵdaıda 422 287 teńge ósimpuly esepten shyǵarylmaq.
Boryshkerlerdiń tolyq tizim komıtettiń resmı saıtynda jarııalanǵanyn aıta keteıik.
Eske sala keteıik, salyqtyq raqymshylyq 2020 jyldyń sońǵy kúnine deıin jalǵasady. Bereshektiń ornyn toltyryp, ósimpuldy esepten shyǵarý úshin azamattarǵa eshqaıda barýdyń qajeti joq. Boryshtyń negizgi somasyn tólese boldy, ósimpul avtomatty túrde esepten shyǵarylady. Memlekettik kirister organdarynyń barlyq aýmaqtyq bólimshelerinde osy ispen aınalysatyn arnaıy komıssııa bar.
Vedomstvonyń baspasóz qyzmeti habarlaǵandaı, aldaǵy ýaqytta da jaýapsyz salyq tóleýshiler tizimi jarııalanyp turady.
