Kezdesýdi Mádenıet jáne sport vıse-mınıstri О́rken Bısaqaev ashyp, birinshi kezekte bıylǵydaı kúrdeli jaǵdaıda naryqty nyǵaıta otyra bıznes pen memleket arasynda syndarly dıalog qurý qajettiligin alǵa tartty.
Bul basqosýdyń basty taqyryby taýdaǵy 2020-2021 qysqy maýsymǵa daıyndyq jáne ulttyq parkterde ekotýrızmdi damytý boldy.
Shymbulaqtaǵy jyl boıǵy taý kýrorty tusaýkeserleri barysynda kompanııanyń bas dırektory Rınat Ábdirahmanov týroperatorlarmen birge pakettik usynystardy qalyptastyrýǵa erekshe nazar aýdaryp, týrıstik qaýymdastyqtar basshylarymen kýrortty odan ári damytýdy talqylady.
«Taý shańǵysy demalysyn uıymdastyrý Qazaqstanda keleshegi bar bıznes, óıtkeni sheteldik týrısterdiń bizdiń taýlarymyzǵa degen qyzyǵýshylyǵy jáne bizdiń týrısterimizdiń Eýropanyń nemese Ortalyq Azııa elderiniń sheteldik taý shańǵy kýrorttaryna degen suranysy da bar», – deıdi Turan Asia LLP dırektory Gúlǵaısha Qasenhanqyzy.
Aıta ketý kerek, statıstıkaǵa sáıkes, taý shańǵysy týrısi óz demalysy úshin kúnine ortasha eseppen 250 dollar jumsaıdy, al salystyrmaly túrde jaǵajaıǵa baratyn týrıst tek 50 dollar jumsaıdy.
Kezdesýdiń ekinshi bólimi tolyǵymen ekotýrızm jáne týrısterdiń ekologııalyq saýattylyǵyn arttyrý máselelerine arnaldy.
«Tamyr» jabaıy tabıǵatta bolý mektebiniń ıdeıalyq jetekshisi Ásel Isanova týrısterdi qorshaǵan ortaǵa uqypty qaraýǵa úıretý josparlary týraly aıtyp berdi.
«Biz jurtshylyqqa taýdaǵy júris-turys erejelerin qoǵamdyq dárister, aqparattyq týrlar, bilim berý jáne shabyttandyratyn medıa kontent arqyly tanystyratyn bolamyz. Bizdiń basty maqsatymyz – adamnyń tabıǵatta qaýipsiz bolýyn, sondaı-aq tabıǵatty adamnyń zııandy áreketterinen qorǵaýdy qamtamasyz etý», dedi Ásel Isanova.
Ári qaraı spıker mektep janynan eko-volonterlik qozǵalys qurylatynyn, oǵan bir aıda 600-den astam adam tirkelgenin habarlady. Qozǵalysqa qatysýshylar arasynda mektep oqýshylary men stýdentterden basqa, kásibı eriktiler, shyǵarmashylyq adamdary, ekologtar, bıologtar, aqparattyq tehnologııalar salasyndaǵy mamandar jáne basqa da mamandandyrylǵan tulǵalar bar.
«Men birlesken is-áreketterdiń nátıjesinde parktiń lastanýy, flora men faýnanyń joıylýy, týrıstik aǵyndardy retteý jáne taǵy basqa mańyzdy máselelerdi sheshýge úlken úles qosa alatynymyzǵa senimdimin», dedi Ásel Isanova.
ALMATY
