Aıta ketý kerek, bir rettik kómek áleýmettik jaǵynan az qamtylǵan jáne koronavırýspen derttengen almatylyqtarǵa beriledi. Ázirge bul kómek boljam boıynsha 5 myń azamatqa beriledi dep kútilýde. Almaty qalalyq máslıhatynyń tıisti sheshimi ashyq normatıvtik quqyqtyq aktiler portalynda ornalastyryldy.
"Koronavırýs ınfeksııasy (CVI) jáne pnevmonııamen aýyratyn adamdarǵa 50 myń teńge kóleminde aqshalaı tólem túrinde birjolǵy áleýmettik kómek halyqtyń áleýmettik osal toptarynan tólenedi. Ázirge optımıstik boljam boıynsha 815 adam, 5 myń adam (pessımıstik ssenarıı boıynsha) kómek ala alady", delingen túsindirme jazbada.
Sondaı-aq, Almaty bıligi tarapynan muqtaj jandardy únemi tamaqpen qamtamasyz etý josparlanýda.
"Qazaqstan Respýblıkasynyń memlekettik satyp alý týraly zańnamasyna sáıkes anyqtalǵan saýda toptary arqyly muqtaj azamattardyń jekelegen sanattaryna azyq-túlik paketteri áleýmettik kómek retinde usynylady. Ázirge jospar boıynsha mundaı kómek 120 myń adamǵa beriledi", delingen qujatta. Máslıhat sheshiminiń jobasyna qosymsha muqtaj azamattardyń jekelegen sanattary kórsetilgen.
Qoǵamdyq talqylaý 10 qyrkúıekke deıin jalǵasady.
Esterińizge sala keteıik, 22 shildede Dúnıejúzilik banktiń aǵa ekonomısi Samsý Raharıa uzaqqa sozylǵan daǵdarys Qazaqstandaǵy kedeıliktiń ósýine jáne teńsizdiktiń artýyna ákelýi múmkin ekenin aıtqan bolatyn. Banktiń aldyn-ala baǵalaýy boıynsha, Qazaqstanda kedeılik deńgeıi 2020 jyly boljanǵan 8,3% -dan 12,7% -ǵa deıin nemese qosymsha 800 myń adam kedeıshilikte ómir súrýi múmkin. 18,7 mln halqy bar (2020 jylǵy 1 mamyrdaǵy jaǵdaı boıynsha) kedeı adamdardyń sany shamamen 2,3 mln adam bolýy múmkin.
Tamyz aıynda Hıýman Raıts Votch Qazaqstan úkimetine COVID-19 pandemııasynyń saldarynan halyqty qoldaýǵa arnalǵan qosymsha sharalardy qabyldaýǵa keńes berdi. Úkimettik emes uıymda aıtylǵandaı, eger bul jasalmasa, onda júzdegen myń qazaqstandyqtar kedeılikke dýshar bolýy múmkin.
