Sondaı-aq bólim basshylary áskerı qyzmetshilerdi materıaldyq-tehnıkalyq jáne áleýmettik turǵydan qamtamasyz etýge qatysty birqatar máselege nazar aýdardy.
О́z sózinde Qaırat Qojamjarov qoǵamdyq tártipti qamtamasyz etýde, jappaı tártipsizdiktiń aldyn alýda, tabıǵı jáne tehnogendik sıpattaǵy tótenshe jaǵdaılardyń saldaryn joıýda jáne dinı ekstremızm men terrorızmge qarsy is-qımyldarda Ulttyq ulan sarbazdaryna úlken jaýapkershilik júkteletinin atap ótti.
Sonymen qatar Qaırat Qojamjarov buǵan deıin Senattyń salalyq komıtetiniń otyrysynda qaralǵan áskerı tártip, kadr máselesi, áskerge shaqyrylatyn azamattardyń moraldyq-psıhologııalyq jaǵdaıy sııaqty máselelerge toqtaldy. Kezdesý barysynda depýtat pen áskerı sala mamandary birqatar zańǵa, onyń ishinde bıyl mamyr aıynda qabyldanǵan Qarýly Kúshterdiń, basqa da áskerler men áskerı quralymdardyń arsenaldary, bazalary men qoımalary janyndaǵy tyıym salynǵan aımaqtar men tyıym salynǵan aýdandar máseleleri boıynsha zańǵa engizilgen ózgerister týraly pikir almasty.
Is-shara sońynda senator kezdesý kezinde kóterilgen barlyq másele memlekettik qorǵanystyq tapsyrysty daıyndaý jáne aldaǵy úsh jylǵa arnalǵan respýblıka bıýdjetin qabyldaý kezinde jan-jaqty pysyqtaýdy qajet etetinin aıtyp, osy baǵytta Senat depýtattary tarapynan qoldaý kórsetiletinin jetkizdi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
