Is-sharany asha otyryp, Qaýymdastyq tóraǵasy Q.Mámı áriptesterin Azııalyq qurylymnyń 10 jyldyǵymen quttyqtady. «Osy jyldar ishinde Qaýymdastyq adam quqyqtaryn qorǵaý, demokratııa jáne quqyq ústemdigi isinde onyń músheleriniń kúsh-jigerin biriktiretin bedeldi óńirlik uıym retinde qalyptasty. Osy jetistikterdiń barlyǵy bizdiń dostyǵymyz ben syndarly ózara is-qımylymyzdyń nátıjesinde múmkin boldy», dedi Q.Mámı.
Qaýymdastyq músheleri atalǵan uıymnyń Jarǵysyna sıfrly tehnologııalardy qoldaný arqyly hattamalyq is-sharalardy ótkizý tártibin qarastyratyn túzetýler engizý týraly sheshim qabyldady. Uıymnyń quramyna Bangladeshtiń Joǵarǵy soty kirdi, ol Qaýymdastyqtyń on toǵyzynshy múshesi boldy.
Jeke sessııa Qaýymdastyqtyń aldaǵy Konstıtýsııalyq sot tóreligi jónindegi dúnıejúzilik konferensııanyń 5-shi kongresine qatysý máselelerine arnaldy. Delegasııalar baıandamashylardy usynýdy jáne Dúnıejúzilik kongress aıasynda Qaýymdastyq otyrysyn ótkizýdi sheshti.
Qyzmettiń basym baǵyty Eýropa Keńesiniń Venesııalyq Komıssııasymen jáne konstıtýsııalyq-quqyqtyq máselelerge mamandandyrylǵan basqa da qaýymdastyqtarmen yntymaqtastyqty damytý. Osy maqsatta tikeleı efırde konstıtýsııalyq baqylaý organdarynyń Eýrazııalyq qaýymdastyqpen yntymaqtastyq týraly Memorandýmǵa qol qoıyldy.
Taraptar Qaýymdastyqtyń qurylymdyq bólimsheleriniń: Josparlaý jáne úılestirý jónindegi hatshylyqtyń (Indonezııa), Ǵylymı zertteýler jáne damý jónindegi hatshylyqtyń (Ońtústik Koreıa) jáne Adamı resýrstardy oqytý jáne damytý ortalyǵynyń (Túrkııa) qyzmeti týraly aqparattardy tyńdady.
Qaýymdastyqtyń barlyq músheleri Qazaqstan Respýblıkasy Konstıtýsııasynyń 25 jyldyǵyna arnalǵan «HHI ǵasyr Konstıtýsııasy – quqyq ústemdigi, adam qundylyǵy jáne memlekettiń tıimdiligi» atty halyqaralyq konferensııany ótkizýde Qazaqstannyń Konstıtýsııalyq Keńesine qoldaý bildirdi. Olardyń pikirinshe, qazirgi zamanǵy syn-qaterler, sonyń ishinde koronavırýstyq pandemııamen baılanysty máseleler kóptegen túıtkilge jaýap izdeý turǵysynan quqyqtyq bazany tereń túsiný qajettiligin týyndatty.
Otyrysqa Ázerbaıjan, Aýǵanstan, Úndistan, Indonezııa, Koreıa, Qyrǵyzstan, Malaızııa, Maldıv, Mıanma, Mońǵolııa, Pákistan, Reseı, Tájikstan, Taıland, Túrkııa jáne О́zbekstan konstıtýsııalyq ádilet organdarynyń delegasııalary qatysty. Qonaq retinde Konstıtýsııalyq sot tóreligi jónindegi dúnıejúzilik konferensııanyń Bas hatshysy Shnýts Dıýrr myrza qatysty.
