«Bul prosedýra aýrýdyń sońǵy satysynda qoldanylatyn bolsa, ony «ǵajaıyp em» dep sanaýǵa bolmaıdy. Mundaı jaǵdaıda dert jeńildeıdi dep úmittený qatelik. Qan plazmasyn keshiktirip, dertti asqyndyryp baryp qabyldaý jaǵdaıdy qıyndatyp jiberýi múmkin» dedi Kara.
Túrkııadaǵy koronavırýspen aýyratyn naýqastardy qandy ottegimen qanyqtyrý arqyly emdeıdi.
Aıtpaqshy, tamyz aıynyń basynan beri kovıdti qan plazmasymen emdeýge baılanysty kózqarastar ekige bóline bastaǵanyn baıqap qaldyq. «Tamyzdyń aıaǵynda AQSh-tyń Azyq-túlik jáne dári-dármekter basqarmasy (FDA) COVID-19 emdelýshilerine qan plazmasyn quıýǵa ruqsat bergeni habarlanǵan bolatyn. Bul qadamdy Amerıka prezıdenti Donald Tramp maquldady» dep habarlaıdy Bloomberg.
The New York Times málimetinshe, qan plazmasyn koronavırýs juqtyryp, aýrýdan aıyqqandar tapsyra alady. Iаǵnı, olar basqa da aýyryp jatqandarǵa donor bolady. Ol úshin aýrýdan jazylǵan adam 14 kún oqshaýlanyp, keıin ǵana qan plazmasyn tapsyra alady. Sol kezde donordyń basqa adamdarǵa vırýs juqtyrý qaýpi joǵalady eken.
Community Blood Center medısınalyq dırektory Djeıms Aleksandr Dayton Daily News-ke bergen suhbatynda "COVID-19 juqtyrǵan adamnyń plazmasynda ınfeksııamen kúresetin antıdeneler bar. COVID-19 synamasy oń nátıjesi kórsetip, eki apta ishinde barlyq sımptomnan qutylý kerek" ekenin aıtqan. Dáriger qan plazmasyn tapsyratyn adamnyń osy sharttarǵa sáıkes keletinin anyqtaýy kerek. Sondaı-aq, Djeıms Aleksandr da emdeýdiń mundaı túri derttiń bastapqy kzederinde ǵana em bolady.
DDU apta basynda koronavırýspen aýyryp jatqan adamdardy jazylyp shyqqandardyń qan plazmasymen emdeý – tájirıbelik ádis degen sheshimge kelgenin 24 kz habarlady. Sebebi klınıkalyq synaq turǵysynan onyń tıimdiligi áli dáleldenbegen.
Bul málimdemeni uıym mamandary AQSh-tyń jýyrdaǵy sheshimine baılanysty jasap otyr. DDSU-nyń bas ǵylymı qyzmetkeri Sýmıa Svamınatan koronavırýstyq ınfeksııany plazmamen emdeýge qatysty klınıkalyq synaq jumystary qazir búkil álem boıynsha júrip jatqanyn aıtady. Biraq birnesheýi ǵana oń nátıjemen aıaqtalǵan. Sebebi ár adamnyń aǵzasynda antıdene ár túrli deńgeıde qalyptasady. «Sondyqtan, dert asqynǵan jaǵdaıda qan plazmasyn quıý arqyly naýqasty aman alyp qalamyz dep tujyrym jasaý áli erte» deıdi DDU mamandary.
