Kenshilik joldy eń aldymen Qazaqstan Mustafın bastady. Soǵystan keıingi jyldary 20 jyldan astam ýaqyt jerasty ótkelderinde jumys istegen azamat ózi shyńdalyp qana qoımaı, boıyndaǵy bar jaqsy qasıetterin balalaryna da daryta bildi.
Qazaqstan Mustafınniń tórt uly – Qaırat, Qanat, Janat jáne Bolatjan da kenshilik joldy tańdaǵan. Osylaısha bul otbasy óz ómiriń taý-ken isine arnap qana qoımaı, "Qazaqstan" shahtasyndaǵy da tarıhı jolyn bastady.
– Biz ákemizge qarap kenshi bolýdy armandadyq. Bul bizdiń muramyz, otbasylyq mamandyǵymyz desek te bolady. Ákemiz bizge eńbekqorlyq pen adaldyqty úıretti. Biz ony óz balalarymyzǵa berdik, – deıdi Qanat Mustafın.
Qanat Qazaqstanuly, tórt aǵaıyndynyń ortanshysy, 30 jyldan astam ýaqyt boıy shahtada jumys istep keledi. Qazir ol búkil otbasyna qamqorlyq jasaıtyn áýlettiń basshysy: "Biz kenshi mamandyǵyn tańdadyq. Men ómir boıy "Qazaqstan" shahtasynda jumys isteımin. Eńbek jolymdy taý-ken qazý mashınalaryn jóndeý ýchaskesinen bastadym, sodan keıin óndirý ýchaskesine aýystym. Qaırat konveıerlik kólik ýchaskesinde jumys istedi. Janat 25 jyl boıy óndirý ýchaskesinde, Bolat – úshinshi óndirý ýchaskesinde jumys istedi, 24 jyldan beri eńbek etip keledi. Qazir meniń balalarym men jıenderim osynda jumys istep jatyr, jyl saıyn bizdiń otbasymyzda kenshiler qatary kóbeıip keledi", deıdi ol.
Qanat Qazaqstanulynyń jumys ornyndaǵy negizgi mindeti – №1 óndirý ýchaskesindegi keshenmen jumys isteý. Negizinen, bul keshenniń qozǵalysy, seksııalardy basqarý. Ol jumystyń alǵashqy aılaryn eske túsire otyryp, aldyńǵy kezeńde qıyn bolǵanyn aıtady. Qıyndyqtar eski tehnıkamen paıda boldy, osylaısha jeke kózqaras qalyptastyryp, birtindep úırenýge týra keldi.
"Shahta ázilderdi unatpaıdy. Barlyǵyn muqııat jasaý kerek, jan-jaqty oılaý kerek, árdaıym jınaqy bolyp júrý qajet. Siz ózińiz týraly ǵana emes, áriptesińiz týraly da oılaýyńyz kerek – munda úılesimdilik qajet. Eń bastysy, árbir adam jumystan keıin úıge oralýy qajet. Muny ákem úıretti, men ony is júzinde túsindim jáne balalaryma úıretemin", deıdi Qanat Mustafın.
Qanat Mustafınniń balalary – Ardaq pen Arman da ákesiniń jolymen óndirý ýchaskesine bardy. Úlken uly Ardaq Mustafın shahtada 10 jyldan astam ýaqyt jumys isteıdi, qazir brıgadır.
"Aldymen konveıerler jóndeýmen aınalystym, sóıtip bizdi jıi ýchaskege jiberetin edi. Meni ýchaskedegi jumys erekshe qyzyqtyrdy, óıtkeni jóndeý aýysymynda bar bolǵany eki adam jumys isteıdi. Al munda – brıgada, úlken ujym. Maǵan osyndaı jumys qyzyqty boldy. Sondyqtan men "Shahter" oqý ortalyǵynda oqyp, tájirıbeden óttim, endi men qalaǵan jerimde jumys isteımin", deıdi Ardaq Mustafın.
Ardaq Mustafın árdaıym tehnıkaǵa jaqyn bolatyn. Bala kezinen bastap, ol egistikte jumys istep, aýylsharýashylyq jabdyqtaryn jaqsy biletin. "Taý-ken isi" mamandyǵy boıynsha oqyǵannan keıin Ardaq áskerde qyzmet etip, keıin osy salada damı tústi. Biraq oǵan shahtadaǵy jumys jaqyn edi:
– Ýchaskege aýysyp, jóndeýde jumys istedim. Sodan keıin aýysymda júre bastadym jáne qaıtadan tehnıkamen jumys istedim, lavada jumys isteýge qyzyǵýshylyq paıda boldy. Bıyl men brıgadır boldym. Men árqashan óz jumysymdy qyzyǵýshylyqpen jáne adaldyqpen atqarýǵa tyrysamyn. Alty saǵat otyryp úıge qaıtý degen men úshin emes. Bastaǵan isimdi aıaqtap ketý mańyzdy. Endi men ózime ǵana emes, joldastaryma da, jańa kadrlardy oqytýǵa da jaýap beremin, – dep bólisti shahter.
Ardaq jumystan keıin jáne bos ýaqytynda úı men baqshaǵa belsendi qamqorlyq jasaıdy. Barlyq jóndeý jumystaryn óz qolymen jasaıdy. Shahterdiń barlyq sózderinde ózine de, basqalarǵa da jaýapkershilik pen qatańdyq seziledi.
– Dostyq pen adaldyqty baǵalaımyn. Men árqashan shyndyq jaǵyndamyn. Men shahtadaǵy ár adamdy bilemin, barlyǵymen jumys istedim. Otbasymen jumys isteý tipti jaqsy. Biz árqashan bir-birimizben keńesemiz, talqylaýǵa arnalǵan ortaq taqyryptarymyz kóp. Tipti bizdiń anamyz da birneshe taý-ken oqıǵalaryn aıta alady. Barlyq jerde sııaqty táýekelder bar, biraq bul jumys ózine jáne balalarǵa, jaqyn týystaryna baqytty bolashaq qurýǵa múmkindik beredi, – deıdi Ardaq Mustafın.
Úlken jáne tatý otbasy úshin Kenshiler kúni-eń jyly jáne mańyzdy mereke. Otbasynyń ár múshesi Shahter bolý – bul ómirlik kásip dep sanaıdy jáne olar ózderin maqtanyshpen kenshiler otbasy dep ataıdy.
