Qurmetti dostar!
Sizderdi Qazaqstan Respýblıkasynyń Konstıtýsııasy kúnimen quttyqtaımyn! Búgin biz jasampazdyq pen progrestiń berik kepili bolyp tabylatyn Ata Zańymyzdyń 25 jyldyǵyn atap ótýdemiz.
25 jyl ishinde Qazaqstan Konstıtýsııasy óziniń joǵary tıimdiligin kórsetti, beıbitshilikti, kelisim men gúldenýdi, eldiń údemeli damýyn, qazaqstandyqtardyń ál-aýqatynyń artýyn, jas jáne bolashaqqa umtylǵan memleketke degen senim men syılastyqtyń ósýin qamtamasyz etti.
Ata Zańymyzda azamattardyń quqyqtary men bostandyqtaryn qorǵaýdy qalyptastyrýdyń negizgi aspektilerin qamtydy jáne Konstıtýsııamyz qazaqstandyq memlekettiliktiń berik irgetasyna aınaldy.
Elimizdiń qoldanystaǵy Konstıtýsııasy kóp jylǵy ujymdyq eńbektiń nátıjesi bolyp tabylady, onyń bastaýynda Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaevtyń eńbegi zor. Elbasy sol qıyn kezeńde aınalasyndaǵy mıllıondaǵan qazaqstandyqty biriktirip, Ata Zańnyń jobasyn ázirleý kezinde ıdeıalardyń generatory bola bildi.
Elbasynyń strategııalyq baǵytyn jalǵastyra otyryp, Memleket basshysy Qasym-Jomart Toqaev ortaq demokratııalyq qaǵıdattardy odan ári nyǵaıtýdy, el azamattarynyń quqyqtary men bostandyqtarynyń kepildikterin kúsheıtýdi qamtamasyz etýde.
Búgin biz elimizdiń Ata Zańynyń erejelerin saqtaı otyryp, erkin eńbek etýge, beıbitshilik pen kelisimde ómir súrýge múmkindigimiz bar. Biz ultaralyq jáne konfessııaaralyq kelisim men birlikke negizdelgen táýelsizdik jyldarynda qol jetkizilgen jetistikterdi maqtan tutamyz.
Barsha qazaqstandyqtardyń otbasyna densaýlyq, bereke-birlik tileımin! Elimiz órkendeı bersin!
Anar JAILǴANOVA,
QR Memlekettik qyzmet isteri agenttiginiń Tóraǵasy
