Depýtattarǵa kýálikter men tósbelgiler tapsyryldy

Otyrysqa Parlament Sena­ty­nyń saılanǵan depýtattary, Cenatorlar keńesiniń múshesi Qýa­nysh Aıtahanov, onlaın rejimde oblystardyń, Nur-Sultan, Almaty jáne Shymkent qalalarynyń aý­maq­tyq saılaý komıssııalary, sondaı-aq buqaralyq aqparat quraldarynyń ókilderi qatysty.

Otyrysty ashqan Ortalyq saılaý komıssııasynyń tóraǵasy Berik Imashev Parlament Senatynyń depýtattaryn saılaý jónindegi naýqannyń sońǵy otyrysy Kons­tı­týsııanyń 25 jyldyǵy – Táýelsiz Qazaq­stannyń Negizgi Zańy qarsa­ńynda ótip jatqanyn atap ótti.

Ortsaılaýkom múshesi Serik Sy­dyqov «2020 jylǵy 12 tamyzdaǵy saı­laýda saılanǵan Qazaqstan Res­pýb­­lıkasy Parlamenti Senaty­nyń depýtattaryn tirkeý týraly» baıan­dama jasady. Ol «Qazaqstan Respýblıkasyndaǵy saılaý týraly» Konstıtýsııalyq zańǵa sáı­kes Or­talyq saılaý komıssııasy Kons­tı­týsııalyq zańda belgilengen tár­tippen Parlamenttiń saılanǵan de­pýtattaryn tirkeýdi júrgizetinin habarlady. OSK árbir depýtatqa bel­gilengen úlgidegi kýálik pen omy­raýǵa taǵatyn belgini tapsyrady.

Osyǵan baılanysty «2020 jylǵy 12 tamyzdaǵy saılaýda saılanǵan Qazaqstan Respýblıkasy Parlamenti Senatynyń depýtattaryn tirkeý týraly» qaýly qabyldandy. Qaýly qabyldanǵannan keıin Ortalyq saılaý komıssııasynyń tóraǵasy Berik Imashev tirkelgen depýtattarǵa kýá­likter men tósbelgilerdi tabys etti.

«Qazaqstan Respýblıkasynyń Parlamenti jáne onyń depý­tat­tarynyń mártebesi týraly» Qazaqstan Respýblıkasy Kons­tı­týsııalyq Zańynyń 24-babynyń 1-tarmaǵyna sáıkes Parlament depýtatynyń ókilettigi ony Ortalyq saılaý komıssııasy Parlament depýtaty retinde tirkegen kezden bastalady.