Qoǵam • 31 Tamyz, 2020

Baýyrjan Baıbek "Nur Otan" praımerızine tirkeýdiń qorytyndysyn jarııalady

96 ret kórsetildi

"Nur Otan" partııasynyń praımerızine úmitkerlerdi tirkeý merzimi aıaqtalyp, qorytyndysy jarııalandy. Bul týraly "Nur Otan" partııasy Tóraǵasynyń birinshi orynbasary Baýyrjan Baıbek Facebook jelisindegi paraqshasynda jazdy, - dep habarlaıdy Egemen.kz.

"Elbasy, partııa Lıderi N.Á. Nazarbaevtyń tapsyrmasy boıynsha partııaishilik saılaý tuńǵysh ret respýblıkalyq aýqymda ótip jatyr. Ol – partııany "qaıta jandandyrý" men jańǵyrtýdyń qorytyndy kezeńi bolyp otyr.

Sonymen, 17 – 28 tamyz aralyǵynda 10 990 adam tirkeldi. Olardyń 36,9% - áıelder, 29,6% – 35 jasqa deıingi jastar. Bastaýysh partııa uıymdarynan 3090 azamat usynylsa, al ózin-ózi usynýshylar – 7900 adam. Qatysýshylardyń ortasha jasy – 43 jas.

Bir orynǵa úmitkerlerdiń eń kóbi Nur-Sultan qalasynda – 18. Almaty men Shymkentte – 9-dan, Jambyl jáne Túrkistan oblystarynda – 6 úmitkerden keledi. Shyǵys Qazaqstan oblysynda áıelder jáne Túrkistan oblysynda jastar erekshe belsendilik tanytyp otyr.

7 qyrkúıekten bastap praımerızdiń kelesi kezeńi – úgit bastalady. 14 – 30 qyrkúıek aralyǵynda onlaın rejımde jarııa pikirsaıystar ótedi.

Elimizdiń Prezıdenti Q.K. Toqaevtyń "Halyq únine qulaq asatyn memleket" tujyrymdamasynyń aıasynda qyrkúıektiń basynda bizdiń óńirlik 216 saılaýaldy baǵdarlamamyzdyń jobalary jarııalanady. Olar halyqpen birge talqylanǵannan keıin jetildiriletin bolady.

Osy oraıdy paıdalana otyryp, óz-ózine jáne partııamyzǵa senim artyp, praımerızge óz kandıdatýrasyn usynǵan árbir janǵa alǵys aıtqym keledi. Biz olardyń adal, ashyq jáne barsha qatysýshylarǵa berilgen teń múmkindiktermen baq synaýlaryna bar jaǵdaıdy jasaımyz.

Partııaishilik irikteýdiń jeńimpazdary Májilis pen barlyq deńgeıdegi máslıhattarǵa arnalǵan partııalyq tizimderimizge engiziletin bolady. Bul – 5,5 myńnan astam adam. Al irikteýden ótpegen, biraq eleýli qoldaýǵa ıe bolǵan azamattar partııanyń jańa kadrlyq rezervine enedi.

Partııa Lıderi Nursultan Nazarbaev aıtqandaı, "elimizdegi máselelerdi birlesip sheshý úshin ashyq dıalogty qamtamasyz etý mańyzdy. Praımerız qatysýshylary jergilikti jerlerde ózekti máselelerdi ashyq kóterip, kemshilikterdi anyqtap, naqty sheshimder usynýy tıis".

Ashyq ta ádil kúreste myqtylar top jaryp shyqsyn! Elimizdi bárimiz birge órkendetemiz!" - dep jazdy Baýyrjan Baıbek.

Sońǵy jańalyqtar

Demalys kúnderi aýa raıy qandaı bolady

Aýa raıy • Búgin, 13:38

Reseıde oq-dári qoımasy órtendi

Oqıǵa • Búgin, 11:50

Búgingi valıýta baǵamy

Qarjy • Búgin, 10:17

Elimizde 9,5 mln adam ekpe saldyrdy

Koronavırýs • Búgin, 09:49

COVID-19: Elimizde 1338 adam emdelip shyqty

Koronavırýs • Búgin, 09:08

Qaıta kesilgen tusaý

Aımaqtar • Búgin, 08:58

Boz kilemde – burymdylar

Sport • Búgin, 08:55

«Barys» jeńiske jetti

Sport • Búgin, 08:54

Elenanyń ekpini kúshti

Sport • Búgin, 08:53

Uqsas jańalyqtar