"Ekologııa máselesin buqaralyq aqparat quraldary kórsetip jatyr. Áleýmettik jelilerde bizdiń blogerler osy máselelerdi jıi kóteredi. Sondyqtan aldaǵy ýaqytta ekologııa máselelerine de basymdyq berýimiz kerek dep oılaımyz", - dedi Senat Spıkeri.
Sonymen qatar óńirlerdi, onyń ishinde aýyldardy kóterý, aýyldyń ınfraqurylymyn damytý, halyqtyń ál-aýqatyn arttyrý úlken maqsattardyń biri ekeni aıtyldy. Máýlen Áshimbaev pandemııa jaǵdaıyndaǵy bıznes ahýalǵa da toqtalyp ótti.
"Taǵy bir úlken baǵyttardyń biri – shaǵyn jáne orta bıznesti qoldaý máselesi. Pandemııaǵa baılanysty osy salada qyzmet etip júrgen kásiporyndardyń jaǵdaıy kúrt tómendep ketkeni jasyryn emes. Soǵan baılanysty júıeli kómek kórsetý máselesin Senatta talqylap jatyrmyz. Úkimetpen, Májilistegi áriptestermen aqyldasyp, osy baǵytta naqty sheshimder qabyldaýymyz kerek dep esepteımiz", - dedi Máýlen Áshimbaev.
