"Parlamenttiń kezekti sessııasynyń jumysy kúrdeli kezeńde bastaldy. Elimizde jer jahanǵa zor qaýip tóndirgen pandemııaǵa qarsy kúres áli de jalǵasýda. Biz azamattardyń ómirin jáne densaýlyǵyn saqtap qalý úshin bar kúsh-jigerimizdi biriktirdik. Osyndaı syn saǵatta yntymaǵy jarasqan halqymyz judyryqtaı jumyldy. Indetpen kúres dana halqymyzǵa tán asyl qasıetterimizdiń arqasynda júzege asty. О́zgege qol ushyn sozyp, tileýles bolý, tosynnan kelgen keselge qarsy turý mańyzdy ekeni anyq baıqaldy. Dárigerlerge, quqyq qorǵaý oryndarynyń qyzmetkerlerine, áskerı qyzmetkerlerge, eriktilerge, kásipkerlerge jáne osyndaı shaqta beı-jaı qalmaǵan barsha azamattarǵa shyn júrekten alǵys aıtamyn", - dedi Prezıdent.
