"Biz ótkenimizdi óshirmeı, keleshekke senimmen qadam jasaý úshin keıingi býynǵa tálim alarlyq ónegeli isterimizdi, eldiń birligi men yntymaǵy jolynda aıanbaı eńbek etken ardagerlerimizdiń esimderin ardaqtap, jas urpaqqa úlgi etýimiz kerek. Seıilbek Shaýhamanuly el ekonomıkasynyń nyǵaıyp, áleýmettik-ekonomıkalyq reformalardy nátıjeli júzege asyrýǵa atsalysty. Memleket jáne qoǵam qaıratkeriniń elge jasaǵan eńbegi, qaltqysyz qyzmeti umytylmaıdy", - dedi oblys ákimi.
Saltanatty sharada QR Memlekettik hatshysy Qyrymbek Kósherbaevtyń quttyqtaý haty oqyldy. Oblys ákimi Gúlshara Ábdiqalyqova jáne Seıilbek Shaýhamanovtyń jubaıy Juparkúl Smatova qoǵam qaıratkeriniń ómiri men qyzmetine arnalǵan qoǵamdyq mýzeımen tanysty.
Qyzylorda qalasyndaǵy daryndy balalarǵa arnalǵan №9 "Bilim-ınnovasııa" oblystyq lıseı-ınternatta ashylǵan eskertkish-bıýst avtory QR Sýretshiler odaǵynyń múshesi Amankeldi Kenenbaev. Mektep ishinen ashylǵan qoǵamdyq mýzeıde memleket jáne qoǵam qaıratkerleriniń tósbelgileri, qyzmet babynda paıdalanǵan zattary jáne kitaptary qoıylǵan. Mýzeı 4 ekspozısııalyq bólimnen turady.
