"Oblysta aýqymdy jóndeý jumystary aıaqtalyp keledi. Keshe Aqqaıyń aýdanynda jóndeý jumystarynyń aıaqtalý barysyn qadaǵaladym. Bıyl Aqqaıyń aýdanynda 1,4 mlrd teńgege 32 joba júzege asty. 7 mektep pen «Balapan» balabaqshasy kúrdeli jóndeýden ótti. Aýdandyq aýrýhana jańaryp, Tokýshı men Qııalydaǵy dárigerlik ambýlatorııalar jóndeldi. Mádenıet úıleri men muraǵattyń ǵımaraty da jańardy.
Sporttyq oıyn alańdary men 8 shaǵyn fýtbol alańy ornatyldy. Zamanaýı dene shynyqtyrý-saýyqtyrý kesheniniń qurylysy bastaldy. 16 aýylda kóshe shamdary ornatylýda. 36 kóshe qamtylyp, 34 shaqyrymǵa sozylǵan jańa jaryqtandyrý júıesi qoıylmaq. Smırnovta 16 shaqyrym jol jóndeldi. Aýdan ortalyǵynda 8 kóshege asfalt tóselip, 9 kóshede aǵymdaǵy jóndeý júrgizildi.
Vlasovka aýylynda tyń ózgerister oryn aldy. Mektep pen mádenıet úıi jańardy. Shaǵyn fýtbol alańy qoıyldy. Oǵan qosa, byltyr bul aýylda 9,5 shaqyrymǵa sozylǵan sý júıesi tartyldy, Qazir aýylda 250 úı bolsa, onyń jartysynan kóbi ortalyq sý júıesine qosylǵan.
Oblysta jańa ınvestjobalar júzege asýda. Qııalyda zamanaýı elevatordyń qurylysy aıaqtalýǵa jaqyn. Investısııa kólemi 1,5 mlrd. tg. Búginde óńirde 45 nan qabyldaý pýnkti bar. Onyń 20-sy zamanaýı jáne avtomattandyrylǵan elevatorlar", - dep jazdy oblys ákimi.
