№29 jalpy orta bilim berý mektebi – Pavlodardaǵy eń iri mektepterdiń biri. Bastaýysh blokta birinshi synyptan tórtinshi synypqa deıin 1100 bala bilim alady. Kezekshi synyptarda oqýshylardyń 80 paıyzy oqýǵa nıet bildirgen. Bul – shamamen 800 bala. 67 kezekshi synyp ashylǵan. Olardyń jeteýi − qazaq tilinde.
− Búgin men qyzymdy sabaqqa alyp keldim. О́ıtkeni ol qashyqtyqtan emes, dástúrli formatta oqýǵa ózi nıet bildirdi. Bala jarty jyl úıde otyrdy, endi sabaqqa barǵysy keledi. Sondaı-aq, synyptastarymen kúnde júzdesip, muǵalimderinen tikeleı bilim alǵysy keledi. Men onyń bul sheshimin birden qoldadym. Barlyq sanıtarlyq nomalardy saqtap, qyzymyzda maska men antıseptıktiń bolýyn ózim qadaǵalap otyramyn, − deıdi Vladıslav Elenıch.
Barlyq kezekshi synyptar ártúrli ýaqytta mektepke keledi. Sondaı-aq mektepte úsh kirý aımaǵy ashylǵan. №29 mekteptiń dırektory Vladıslav Elenıchtiń aıtýynsha, úzilisterde synyp óńdeledi jáne jeldetiledi. Sanıtarlyq normalarǵa sáıkes kvars tańerteń jáne túski ýaqytta qosylady.
– Oqýshylarymyzdyń ata-analary osy oqý jylyna úlken túsinistikpen qaraǵanyn atap ótken jón. Maskalar men antıseptıkter boıynsha eshqandaı másele týyndaǵan joq. Biraq ata-analar balalaryn qashyqtyqtan oqytýǵa aýystyra alatynyn upytpaǵan jón. Eger balanyń densaýlyǵy, sozylmaly aýrýlary, ımmýnıteti álsiregen bolsa, bul balany kezekshi synypta oqytý kezinde qosymsha qaýip bolýy múmkin, – dedi Vladıslav Elenıch.
№29 jalpy orta bilim berý mektebiniń bastaýysh synyp muǵalimi Aqjaıyq Balajanova ustazdarǵa qoıylatyn talaptar da, mindetter de kóbeıgenin aıtady. Biraq, muǵalimder qaýymynyń balalardyń mektepke óte jaqsy kóńil kúımen kelgeni jáne ata-analardyń da kózqarasy men kóńil kúıleri jaqsy bolǵany barlyǵyna pozıtıvti turǵydan qaraýǵa kómektesetinin atap ótti. Sonymen qatar, muǵalimi Aqjaıyq Balajanova "Kósh júre túzeledi" demekshi, aldaǵy ýaqytta da osy baǵyttan taımaı, barlyq normalardy saqtap, balalarǵa sapaly bilim berýge tyrysatynyn aıtty.
Esterińizge sala keteıik, kezekshi synyptar 1-4-synyp oqýshylary úshin ashyldy. О́ńirdegi 112 myń oqýshynyń 28 myńnan astamy dástúrli bilim alýda.
