Onlaın rejimde ótken sezd jumysyna respýblıkanyń barlyq salalaryn qamtıtyn 151 delegat, sondaı-aq áleýmettik áriptester, saıası partııalar jetekshileri, Parlament depýtattary, sheteldik kásipodaq jáne halyqaralyq uıymdardyń ókilderi qatysty.
Memleket basshysy Qasym-Jomart Toqaevtyń sezd delegattaryna arnaǵan quttyqtaý sózin Prezıdent Ákimshiligi Basshysynyń birinshi orynbasary Dáýren Abaev oqyp berdi. «Biz eńbekti Qazaqstan qoǵamynyń negizgi qundylyǵy retinde dáripteýimiz kerek. Bul – meniń naqty ustanymym. Bul úshin tek atqarýshy organdardyń bolýy jetkiliksiz ekenin bárimiz túsinemiz. Sondyqtan áleýmettik seriktestik mehanızmi, memleket pen azamattardyń, úkimettik emes sektordyń ekijaqty ózara árekettesý júıesiniń balamalary joq. Kásipodaqtar federasııasy – Qazaqstandaǵy eń kóp ınstıtýsıonaldyq turǵyda damyǵan qoǵamdyq birlestikterdiń biri. Jalpy, saıası ómirde, ekonomıkalyq, áleýmettik, rýhanı jáne mádenı baǵdarlamalardy júzege asyrýda onyń alar orny erekshe», delingen Prezıdenttiń quttyqtaý sózinde.
D.Abaevtyń aıtýynsha, 2017 jyldan bastap federasııany basqarý júıesi aıtarlyqtaı reformalanyp, onyń múmkindikteri keńeıtilip, azamattardyń áleýmettik, ekonomıkalyq, eńbek quqyqtary men múddelerin qorǵaıtyn keńes qurylǵan. «Kásipodaqtar federasııasy eńbekke qatysty daý-damaılardy sheshýdiń basty bastamashysyna aınalýy kerek. Jumysshylardyń quqyqtaryn júıeli túrde júzege asyrý arqyly ǵana áleýmettik qyzmetkerlerdiń kúmáni men senimsizdigin joıýǵa bolady. Federasııa úshin eńbek daýlaryn boldyrmaý úshin, ásirese iri kásiporyndarda óziniń áleýetin jaqsartý óte mańyzdy. Áleýmettik seriktestik jónindegi ekijaqty komıssııa sheńberinde fýnksııalardy naqty bólip, onyń oryndalýyn turaqty baqylaýdy qamtamasyz etý qajet. Bul Federasııanyń tıisti mınıstrliktermen jáne ákimdiktermen jumysshylardyń deldaldyǵy boıynsha birlesken jumys úshin ózara is-qımylynyń naqty algorıtmin qalyptastyrýǵa múmkindik beredi. Bizge barlyq deńgeıdegi kásipodaqtar arasyndaǵy zamanaýı qoljetimdi aqparattyq baılanys qajet. Aqparattyq keńistikte qoǵammen ózara árekettesýdiń syndarly arnalaryn qurý qajettiligi seziledi», dedi D.Abaev.
Premer-Mınıstrdiń orynbasary Eraly Toǵjanov Úkimet atynan sezd delegattaryna quttyqtaý sózin arnady. Ol kásipodaq uıymdary jumys isteıtin kásiporyndarda eńbek ujymdary men jumys berýshiler arasynda baılanys júıesiniń tıimdiligin atap ótti. «Qazaqstan kásipodaqtary – áleýmettik turaqtylyq maqsatyna qol jetkizý isinde Úkimettiń senimdi seriktesi men qatysýshysy. Bul uıym jumys isteıtin jerlerde eńbek ujymdary men jumys berýshiler arasynda tıimdi baılanys júıesi ornatylǵanyn bilemiz. Jalaqyny arttyrý, eńbek jáne demalys jaǵdaılaryn jaqsartýmen baılanysty máseleler tıimdi sheshiledi. Elimizde kúrdeli jaǵdaı oryn alǵanda Kásipodaqtar federasııasy óziniń basty maqsaty – jumysshylardyń eńbek quqyqtary men múddelerin qorǵaýdy belsendi júzege asyrýda, eńbekkerlerge jáne halyqtyń áleýmettik turǵydan álsiz tobyna materıaldyq kómek kórsetedi, keńes beredi», dedi Premer-Mınıstrdiń orynbasary.
Eńbek jáne halyqty áleýmettik qorǵaý mınıstri Birjan Nurymbetov óz kezeginde Kásipodaqtar federasııasynyń eńbekkerlerdiń zańdy quqyqtary men múddelerin qorǵaýdaǵy mańyzdy rólin atap ótti.
Halyqaralyq Eńbek uıymynyń eńbekkerlerdiń qyzmeti jónindegi Eýropa jáne Ortalyq Azııa sektorynyń meńgerýshisi Sergıýs Glovaskas Qazaqstan Kásipodaqtar federasııasynyń qyzmetindegi oń ózgeristerdi atap ótti ári óz pozısııasyn nyǵaıtýǵa baǵyttalǵan belsendi is-sharalaryn, sonyń ishinde HEU Konvensııalaryn ratıfıkasııalaý boıynsha bastamalaryn joǵary baǵalady.
Kásipodaqtar federasııasynyń jetistikteri men kásipodaqtar birlestiginiń aldaǵy mindetteri týraly QRKF tóraǵasy Satybaldy Dáýletalın óz sózinde aıtyp ótti. QRKF basshysy barlyq kásipodaq uıymdary men kásipodaq múshelerin elimizde laıyqty ómirdiń jańa áleýmettik úlgisin ázirleýge belsendi qatysýǵa shaqyrdy. Onyń aıtýynsha, «Kásiptik odaqtar týraly» zań birqatar ózgertýdi qajet etedi.
XXVI sezd delegattary eńbekkerlerge, kásipodaq uıymdary men áleýmettik áriptesterge Memleket basshysynyń Joldaýynda kórsetilgen jańarý baǵyttaryn qoldaý týraly úndeý qabyldady.
Sezde Qazaqstan Respýblıkasynyń kásipodaqtarynyń 2020-2025 jyldarǵa arnalǵan strategııasy qabyldandy. QRKF joǵary organynyń qatysýshylary – sezd delegattary basym daýyspen Satybaldy Dáýletalındi Qazaqstan Kásipodaqtar federasııasynyń tóraǵasy laýazymyna saılady.
