Aımaqtar • 08 Qyrkúıek, 2020

Almatyda 105 mln teńge salynǵan seıf urlandy

164 ret kórsetildi

Almatylyq fırmany jymqyrmaq bolǵan kúdiktiler anyqtalyp, qamaýǵa alyndy, dep habarlaıdy  Egemen.kz. Bul týraly Almaty qalalyq polısııa departamenti málimdegen.

"Bul qylmys 31 tamyzǵa qaraǵan túni boldy. Rysqulov dańǵylynda ornalasqan qalalyq fırmalardyń biriniń keńsesinen belgisiz adamdar 105 mıllıon teńge salynǵan seıfti urlap ketken. Osy qylmysty ashý maqsatynda arnaıy tergeý-jedel toby quryldy. Kompanııalardyń beınebaqylaý kameralaryndaǵy derekter zertteldi: qaskóıler betterin muqııat jasyrdy. Biraq, jedel is-shara kórsetkendeı, belgisiz qalýǵa tyrysý nátıjesiz boldy. Kúdiktilerdiń ekeýi de anyqtalyp, qamaýǵa alyndy. Bul 1992 jáne 1993 jyldary týǵan jergilikti turǵyndar. Buǵan deıin olar múliktik qylmys jasaǵany úshin jaýapqa tartylǵan. Aıǵaqty zattar, onyń ishinde urlanǵan aqshalar. Is júrgizý tártipte olar shyn ıesine qaıtaryldy", dedi Almaty qalalyq PD krımınaldyq polısııa Basqarmasynyń bastyǵy, polısııa polkovnıgi Erkin Ińkárov.

Fırmanyń basshysy Vıtalıı Kım, óz kezeginde, polısııa qyzmetkerlerine osy qylmystyń jedel ashylǵany úshin rızashylyǵyn bildirdi.

"Men polısııa qyzmetkerlerine osy qylmysty tez arada ashqany úshin alǵys aıtqym keledi. Bul biz úshin mańyzdy: biz úsh aǵaıyndymyz, biz Reseıden qurylys materıaldaryn jetkizý boıynsha birlesken kásip júrgizemiz", dep sózin aıaqtady jábirlenýshi.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar