Qoǵam • 08 Qyrkúıek, 2020

Ushaqta medısınalyq betperde taǵý mindetti

92 ret kórsetildi

Ushaqta medısınalyq betperde taǵý mindettelegenin Kóliktegi Bas memlekettik sanıtarlyq dáriger Sádýaqas Baıǵabylov eskertip ótti, dep habarlaıdy Egemen.kz

Elimizdiń Kóliktegi Bas memlekettik sanıtarlyq dárigeri Sádýaqas Baıǵabylov qazaqstandyqtardy ushaq bortynda áleýmettik qashyqtyq pen betperde rejimin saqtaýǵa shaqyrdy. Eskertýler oryndalmaǵan jaǵdaıda, tártip buzýshylarǵa aıyppul salynatynyn eske saldy.

"Otandyq jáne sheteldik áýe kompanııalary ushaqtarda qaýipsizdik júıesiniń tolyq saqtalýyna múddeli bolyp otyr. Alaıda, otandastarymyz ushaq bortynda karantın talaptaryn saqtamaı, sol arqyly qaýipti jaǵdaıdyń týyndaýyna jol berýde. Mysaly, búgin áýe kemesiniń bortyna minerde betperde taǵýdan bas tartqan eki jolaýshy 30 AEK (83 340 teńge) kóleminde aıyppul tóleý túrinde ákimshilik jaýapkershilikke tartyldy", deıdi S.Baıǵabylov.

Ásirese aýrý juqtyrý qaýpi áýe kemesiniń ishinde, jolaýshylardy borttan túsirý úshin kezekke turǵan kezde jıi bolyp jatady.

Kóliktegi Bas memlekettik sanıtarlyq dárigerdiń aıtýynsha, shetelde jolaýshylar áýe bortyna miner kezde erejelerdi túısikterine myqtap ustanyp júredi. Al bizde jaǵdaı kerisinshe ekenin jáne kóp shaǵym túsetinin aıtyp ótti.

Osy aptada ushaqtan shyǵý kezinde áleýmettik qashyqtyqty saqtamaıtyn jolaýshylarǵa aıyppul salý kúsheıtiletinin de eske saldy.

Uqsas jańalyqtar