S.Seıfýllın atyndaǵy Qazaq agrotehnıkalyq ýnıversıtetiniń ǵalymdary Led system media kompanııasynyń óndiris alańynda kókónister men jemisterdi kún sáýlesinsiz ósirý tehnologııasyn jasaýda. О́simdikter kún sáýlesin nanofosformen toltyrylǵan arnaıy jaryqdıodty shamdarmen almastyrady.
"Osy joba boıynsha dıplomdyq jumys jazdyq. Qazir ol boıynsha magıstrlik dıssertasııa jazylýda. Kóshe shamdaryn shyǵaratyn Led system media kompanııasy óziniń sıpattamalary boıynsha kún sáýlesine jaqyn shamdardy synaqtan ótkizedi. Biz qazir kompanııa jylyjaıynda ósimdikter úshin kún sáýlesin osy shamdarmen tolyqtaı almastyrý jolyn izdeýdemiz. Biz qazirdiń ózinde nátıjege jaqyndap qaldyq", deıdi aýylsharýashylyq ǵylymdarynyń kandıdaty, Qazaq agrotehnıkalyq ýnıversıtetiniń agronomııa fakýlteti aýyl jáne ósimdik sharýashylyǵy kafedrasynyń aǵa oqytýshysy Arysgúl Turlybekova.
Onyń aıtýynsha, bul ádis ósimdikterdi kún sáýlesi túspeıtin bólmelerde ósirýge múmkindik beredi. Soltústik aımaqtarda kún sáýlesiniń tapshylyǵy ásirese qysta aıqyn seziledi. Sáýle shashý spektri joǵary bolǵandyqtan, shamdar jemisterdiń ósýi men jetilýin tezdetedi. Olar energııa únemdeý úshin de barynsha tıimdi.
Sonymen qatar elorda jylyjaılarynda daqyldardy topyraqsyz ósirý tehnologııasy zerttelýde.
"Olar gıdroponıkany paıdalanady, ıaǵnı kókónister men jemister tamshylatyp sýarý ádisimen arnaıy sýbstratta ósiriledi. Ol arqyly ósimdikter dárýmendermen baıytylady. Bul ádistiń artyqshylyqtaryna aramshópterdiń bolmaýy jáne ósimdik aýrýlarynyń tómen paıyzy jatady. Mundaı jylyjaılarda mıkroklımat retteledi. Bul kókónis daqyldaryn ósirýdiń óte joǵary tehnologııalyq tásilderi", dep túsindirdi Arysgúl Turlybekova.
Onyń aıtýynsha, osylaısha alynǵan jemisterdiń sapasy jerdegi jylyjaılarda ósirilgenderden kem túspeıdi. Alynǵan ónimder hımııalyq quramyna tekseriledi jáne barlyq qajetti standarttarǵa sáıkes keledi.
QATÝ jobalaryna agronomııa fakýlteti aýyl jáne ósimdik sharýashylyǵy kafedrasynyń stýdentteri de qatysady. Olar úshin jylyjaılarda kókónis pen jemis ósirý boıynsha praktıkalyq sabaqtar ótkiziledi. Stýdentter jańa tehnologııalarmen tanysady. Olar úshin munda sabaqtar úsh jyl boıy ótkiziledi.
