Ulttyq ekonomıka mınıstri R. Dálenov usynǵan Jalpyulttyq jospar (JUJ) Memleket basshysy belgilegen negizgi baǵyttar boıynsha 143 tarmaqtan turady, onyń ishinde "memlekettik basqarýdyń jańa modeli" – 10 tarmaq, "jańa jaǵdaıdaǵy ekonomıkalyq damý" – 42 tarmaq, "teńgerimdi aýmaqtyq damý" – 2 tarmaq, "azamattardyń áleýmettik ál-aýqaty – basty basymdyq" – 10 tarmaq, "qoljetimdi jáne sapaly bilim berý" – 16 tarmaq, "densaýlyq saqtaý júıesin damytý" – 10 tarmaq, "ekologııa jáne bıoalýantúrlilikti qorǵaý" – 8 tarmaq, "azamattardyń múddelerin qorǵaýdaǵy ádiletti memleket" – 30 tarmaq, "sıfrlandyrý – barlyq reformalardyń bazalyq elementi" – 8 tarmaq, "memleketti basqarýǵa azamattyq qatysý" – 7 tarmaq.
Premer-Mınıstr Úkimettiń basty mindeti halyqtyń ál-aýqatyn arttyrý, ekonomıkany damytý jáne turaqty jumys oryndaryn qurý ekenin atap ótti. Bıýdjettik josparlaýdyń jańa júıesinde ulttyq basymdyqtar qamtamasyz etiledi jáne bıýdjetten tys qorlardyń qarajatyn eskere otyryp, "keńeıtilgen bıýdjet" engiziledi. Azamattardyń áleýmettik ál-aýqatyn qamtamasyz etý maqsatynda turǵyn úıge qoljetimdilikti keńeıtý, qolaıly otbasylyq-demografııalyq jaǵdaılar jasaý, ekologııany, bilim berý sapasyn jaqsartý, sondaı-aq densaýlyq saqtaý júıesin jetildirý jóninde sharalar qabyldanady.
"Búgin tanystyrylǵan Memleket basshysynyń Joldaýyn iske asyrý jónindegi Jalpyulttyq is-sharalar jospary alǵa qoıylǵan mindetterge saı keledi. Prezıdent jospardy bekitkennen keıin barlyq memlekettik organdar men ákimdikter ony dereý oryndaýǵa kirisýi tıis", — dedi A. Mamın.
Úkimet basshysy ortalyq jáne jergilikti atqarýshy organdardyń birinshi basshylary jospar is-sharalarynyń sapaly ári ýaqytyly oryndalýyn qamtamasyz etýi tıis ekenin atap ótti. "Bizden jedeldik pen naqty nátıje talap etiledi", — dep túıindedi A. Mamın.
