Mınıstr baıandaǵandaı, qazirgi kezde koronavırýs ınfeksııasymen syrqattanýshylyq boıynsha epıdemııalyq ahýaldy turaqtandyrýǵa qol jetkizildi. 9 qyrkúıekte COVID-19 nátıjesi oń bolǵan 106 498 naýqas tirkeldi, sońǵy táýlikte 73 adam tirkeldi. 4 810 adam em alýda, 100 042 adam aýrýhanadan shyǵaryldy (94%), 1 646 adam qaıtys boldy.
Sonymen qatar, QR-da koronavırýstyq ınfeksııanyń (PTR) 28 228 yqtımal jaǵdaıy tirkelgen. Qatań shekteý sharalarynyń arqasynda 5 shildeden bastap tósek-oryndardyń qamtylýy 6 esege, onyń ishinde reanımasııalyq tósek-oryndardyń bos bolmaýy 6,6 esege, sondaı-aq KVI qatysty jedel medısınalyq kómekti shaqyrý sany 5,5 esege azaıdy.
Emhanalar úıde qyzmet kórsetý formatyna kóshti, mobıldi brıgadalardyń sany 7,6 ese ósip, búginde 3640 mobıldi brıgada quryldy jáne búkil el boıynsha jumys isteıdi.
"Bizdiń elimizdegi, Eýropanyń birqatar elindegi jaǵdaıdy turaqtandyrý aıasynda, tamyzdyń basynan bastap koronavırýs ınfeksııasynyń Azııada taralýynyń kúrt ósýi baıqalady. Mysaly, aýrýdyń ósýi Italııada, Avstrııada, Ispanııada, Germanııada, Ońtústik Koreıada, Túrkııada baıqalady. TMD elderinde aýrýshańdyqtyń ortasha ósimi 0,5% qurady, bul Qazaqstandaǵydan 5 ese joǵary", dedi A. Soı.
