Baıqaý nátıjesi 16-17 qyrkúıekte áleýmettik jelidegi resmı paraqshalarda jarııalanady. Tolyq aqparatty @birgemiz_taza_alem ınstagramm paraqshasynan alýǵa bolady.
Aıta keteıik, uıymdastyrýshysy "Jas Ulan" biryńǵaı balalar men jasóspirimder uıymy respýblıkalyq qoǵamdyq birlestigi. Shara "Birgemiz: Taza Alem" jalpyulttyq jobasy aıasynda ótkiziledi. Nátıjesinde, uıymdastyrýshylar elorda saıabaqtarynyń birinde qus uıasy alleıasyn qurýdy josparlaýda. Baıqaýdyń maqsaty – qorshaǵan ortany qorǵaý máselelerine qoǵam nazaryn aýdarý.
"Ekologııalyq máselelerdiń úlken shoǵyry arasynda qustardy qorǵaý problemasy bólek. Qarqyndy qurylys kesirinen saıabaqtar men jaı ǵana aǵashtar ornalasqan alańdar sany azaıýda. Saıabaqtar men úıdiń mańyna qustar uıalaryn ornalastyryp, qustardy jan-jaqqa bólý arqyly jasyl jelekterde baqylaýsyz kóbeıetin jándiktermen kúresýge bolady, shara osyǵan baǵyttalǵan", delingen konkýrs erejesinde.
