7 qyrkúıekte Petropavl polısııasyna qala turǵyny onyń M. Áýezov kóshesindegi úıiniń podezinen quny 45 myń teńge turatyn “Stern Vega” markaly velosıpedi urlanǵany týraly júgingen. Jedel-izdestirý is-sharasy barysynda Petropavl q. PB Ekinshi polısııa bóliminiń qyzmetkerleri buryn múliktik qylmystar jasaǵany úshin birneshe ret qylmystyq jaýapqa tartylǵan oblys ortalyǵynyń 31 jastaǵy turǵynyn, kúdiktini anyqtady. Onyń eki kún buryn jasalǵan páter urlyǵyna qatysy bar ekeni anyqtaldy. Sol kúni kúndiz Bereke yqsham aýdanyndaǵy páterdiń kireberisinen uıaly telefon urlanǵan. Abyroı bolǵanda, úıdiń podezi beınebaqylaýmen jabdyqtalǵan eken, sonyń kómegimen kúdiktiniń jeke basyn anyqtaý múmkin boldy. 8 qyrkúıekte ol ustaldy. Atalǵan faktiler QR Qylmystyq kodeksiniń (Urlyq) 188-baby 3-bóligi boıynsha Sotqa deıingi tergep-tekserýlerdiń biryńǵaı tizilimine engizildi. Qazirgi ýaqytta qamaqqa alý túrindegi bultartpaý sharasyn tańdaý týraly másele sheshilýde. Urlanǵan múlikti izdeý boıynsha shara qabyldanýda. Barlyq materıaldardy Ekinshi PB qyzmetkerleri temir jol vokzaly aýmaǵynan mys symdardy urlaǵany úshin kúdiktini izdegen Petropavl q. Jelilik polısııa bólimine tapsyrady.
"Eki jaǵdaıda qaskóıler qaraýsyz múlikti oljalaǵan. Velosıped, balalar qol arbasy, samokattar esigi qulyptalmaıtyn, domofony joq podezde turǵan. Quny 50 myń teńge turatyn “Redmi Xiaomi” telefony urlanǵan páterdiń esigi qulyptalmaǵan bolyp shyqty. Ieleri úılerinde bolǵan, biraq qylmyskerdiń qalaı kirip, kózine túsken zatyn urlaǵanyn baıqamaǵan. Podezde domofon ornatylǵan, alaıda qylmyskerler kóp jaǵdaıda adamdardyń kóńil bólmeýlerin paıdalanady. Olar esikti bireý ashqanda ótip ketedi, keıde kezdeısoq tańdalǵan páterge qońyraý shalyp, sol úıdegi páterlerdiń birine keldim dep nemese ózderin kommýnaldyq qyzmetterdiń qyzmetkerlerimiz dep tanystyrýlary múmkin. Turǵyndardyń ózderi domofondy “yńǵaıly bolý úshin” óshirip tastaıtyn jaǵdaılar bar. Qorǵanys quraldary paıdalanylmaıtyn, beıtanys adamdarǵa nazar aýdarmaıtyn jerlerde osyndaı jaǵdaılar oryn alýy múmkin", – deıdi Ekinshi polısııa bóliminiń bastyǵy Rýslan Syzdyqov.
Polıseıler urlyqtyń aldyn alýdyń eń tıimdi tásili – saqtyq sharalaryn kúsheıtý ekendigin aıta ketti. Barlyǵy jyl basynan Petropavlda 249 páter urlyǵy tirkelip, onyń 233-i óndirispen aıaqtaldy.
