Qoǵam • 10 Qyrkúıek, 2020

Almatyda 102 jastaǵy keıýana aýyr otadan keıin aıaǵynan tik turdy

50 ret kórsetildi

Almatyda Jedel shuǵyl kómek kórsetý aýrýhanasynyń dárigerleri 102 jastaǵy keıýanaǵa  ota jasady, dep habarlaıdy Egemen.kz

Anna Nazarovna Shestopalova aýrýhanaǵa san súıeginiń kúrdeli sýbvertıkaldy synýymen túsken. Keıýananyń jas ereksheligine qaramastan, travmatologtar oǵan ota jasaýǵa sheshim qabyldaǵan. Otadan keıin kelesi kúni-aq Anna Shestopalova aıaǵynan tik turdy.

– Bizde mundaı jastaǵy naýqastar bolǵan joq, birneshe jyl buryn biz 96 jastaǵy zeınetkerge ota jasaǵan edik, qazir ol 103 jasta ári densaýlyǵy jaqsy. Anna apamyz da otadan keıin jaqyndaryn qýantady dep úmittenemiz. Naýqastyń kóńil-kúıi jaqsy, áli de kúresýge daıyn, deıdi travmatologııa bólimshesiniń meńgerýshisi Vladımır Semıonov, 

"Ádette mundaı otalar naýqastyń jasyna baılanysty aýrý bolýymen qıyndaı túsedi. Ota jasaý aldynda biz analızderdi baqylap, naýqasty daıyndap, onyń ruqsatyn aldyq. Bári oıdaǵydaı ótti, eger bizdiń kómegimiz bolmasa, ol tósek tartyp jatyp qalar edi. Otanyń ózi bar-joǵy 35 mınýtqa sozyldy", deıdi travmatolog Ahmed Davreshov.

Anna Nazarovna ómir boıy bastaýysh mektepte muǵalim bolyp jumys istegen, sodan keıin ol Almaty oblysynda balabaqsha ashty, aýyldyq okrýgtiń depýtaty, halyq sotynyń keńesshisi boldy. Onyń úsh qyzy, bes nemeresi men jeti shóberesi bar.

"Men ota jasatýdan qoryqpadym. Meniń uzaq ómir súrýimniń sebebi árdaıym meıirimdi, eshqandaı adammen janjaldaspaı, barlyǵyna tek jaqsylyq tilep, bárin jaqsy kórdim, durys tamaqtanyp, taza aýada kóbirek ýaqyt ótkizý kerek jáne salaýatty ómir saltyn ustaný qajet", deıdi keıýana.

Aıta keteıik, Almaty qalalyq jedel shuǵyl kómek kórsetý aýrýhanasynyń travmatologııa bólimshesinde jylyna ár túrli 1500-ǵa jýyq ota jasalady, dárigerler karantın kezeńinde kúrdeli qorǵanys sharalaryna qaramastan ota jasaýdy jalǵastyrdy.

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar