Bul ózgerister negizinen ishki ister organdaryna qyzmetke qabyldaý tártibine qatysty. Jańa tártip boıynsha IIO-yna qatardaǵy, kishi jáne orta basshylyq quram laýazymdaryna bastapqy kásibı daıarlaý arqyly irikteý tártibi ońaılanyp, konkýrsty jáne synaq merzimin alyp tastaý jolymen qyzmetke qabyldaý merzimi qysqarady.
Sondaı-aq ishki ister organdarynyń basshylaryna qoıylatyn talaptar da qatańdatyldy. Qyzmetke qabyldaýdyń jańa tártibi IIM Kadr saıasaty departamenti uıymdastyrǵan arnaıy semınar barsynda túsindirildi. Bul semınarǵa IIO-nyń óńirlik departamentter basshylarynyń kadr saıasatyn júrgizetin orynbasarlary jáne IIM, TJK, QAJK, MKQB bilim uıymdary basshylarynyń orynbasarlary, sondaı-aq kadr bólimsheleriniń jeke quramy qatysty. IIO-yna qyzmetke qabyldaý konkýrstyq negizde júrgiziledi. Biraq bul tártip bastapqy kásiptik daıarlyqtan ótkenderge qoldanylmaıdy.
Konkýrstyq negizde:
Qyzmetke konkýrstyq negizde qabyldaý orta jáne joǵary basshylyq quram laýazymdaryna júrgiziledi.
Taǵylymdama 1 aıdan kem emes.
Taǵylymdama aıaqtalǵan soń úmitker synaq merzimimen laýazymyna taǵaıyndalady.
Basshylyq qyzmetke taǵaıyndalatyn adamdarǵa synaq merzimi belgilenbeıdi.
Bastapqy kásibı daıyndyq arqyly: Bastapqy kásibı daıarlyq arqyly qyzmetke qabyldaý qatardaǵy, kishi jáne orta basshylyq quram laýazymdaryna júzege asyrylady.
Bastapqy kásiptik daıarlyqqa qabyldaý týraly buıryq tyńdaýshyny taǵylymdamadan ótýshi retinde qabyldaýǵa negiz bolyp tabylady. Bastapqy kásibı daıarlyq aıaqtalǵannan keıin bir aı kóleminde synaq merzimi belgilenbesten laýazymǵa taǵaıyndalady.
"Qazirgi ýaqytta polısııa jurtshylyqpen tyǵyz ózara baılanys jasaýdyń jańa formatyna kóshý qajet. Jańa formatta kórsetilgen talaptar árbir polısııa qyzmetkerine turǵyndarmen ashyq áńgime júrgizýge úırenýi mindetti ekenin bildiredi. Kadrlardy daıarlaý jáne irikteý júıesindegi osyndaı ustanymdarǵa basymdyq berilýi tıis", dep atap ótti IIM Kadr saıasaty departamentiniń bastyǵy Aıdar Saıtbekov.
