Qazaqstan • 10 Qyrkúıek, 2020

Ulttyq bank: Teńgege áser etetin faktorlar naqtylandy

22 ret kórsetildi

Búgin  Ulttyq Banki Tóraǵasynyń orynbasary Álııa Moldabekova ishki valıýta naryǵyndaǵy ahýaldyń damýy jáne álemdik naryqtardaǵy tamyz aıyndaǵy negizgi oqıǵalar, aıdyń sońynda dástúrli suhbattasý barysynda elimizdiń halyqaralyq rezervteriniń dınamıkasy týraly aıtyp berdi, dep habarlaıdy Egemen.kz.

UB ókiliniń paıymdaýynsha tamyz aıynyń  shetel valıýtasy teńgege qatysty jańalyqtary neıtraldy sıpatta bolypty.  Munaı baǵasynda da asa ózgeris bolmady. Baǵa  44,15-45,86 dollar aralyǵynda shamadan tys qubylmalylyqsyz saýdalanypty.   Sebebi tamyzdyń basynda AQSh pen Eýroaımaqtyń óndiristik sektoryndaǵy iskerlik belsendilik týraly málimetterdiń betalysy belgili bolyp qaldy. Qolaıly makroekonomıkalyq statıstıka aıasynda álemdik qor ındeksteri ósýin jalǵastyrypty. Mysaly, amerıkandyq S & P500 aksııalar ındeksi tamyzda 7% -ǵa ósti, álemdik qor naryǵynyń jaǵdaıyn beıneleıtin MSCI World ındeksi tamyzda 6,5% -dan astamǵa ósti. Alaıda, ınvestorlar táýekeliniń odan ári ósýine pandemııanyń beti qaıpaýy jáne alpaýyt elder arasyndaǵy saýda qaqtyǵystarynyń kúsheıýi sebep bolǵan.  

"Tamyz aıynda   AQSh dollarynyń arzandaýy álemniń nazaryn aýdardy.  Bul jaǵdaıda FRJ uzaq ýaqyt boıy jumsaq aqsha-nesıe saıasatyn júrgizýi múmkin. Sebebi AQSh-tyń qazynashylyq mindettemeleriniń naqty stavkalarynyń tómendeýine de áser etti jáne altyn baǵasynyń kóterilýin ýnsııasyna 2000 dollardan joǵary deńgeıge deıin jetkizdi", deıdi UB ókili.

"Dollardyń álsireýi damyǵan elderdiń ulttyq valıýtalarana qalaı áser etedi?" degen másele damyǵan elderdiń sarapshylary úshin máńgilik taqyryp. Sebebi, qazaq teńgesiniń taǵdyry tek munaı baǵasy nemese AQSh dollaryna ǵana táýeldi emes ekeni endi belgili bolyp jatyr. Sarapshylar teńgemiz tek eki faktordyń emes, kórshi el Reseıge qarsy baǵyttalǵan batystyń sanksııasy, syrtqy saýdadaǵy ımporttyń úlesiniń qyspaǵynda. Basqasha aıtqanda teńgemiz úp etken jelge deıin bir ete qalatyn qorǵansyz balanyń keıpine túse bastady.    

Ulttyq bank tamyz aıynda valıýta naryǵyna qatyspasa da paıyzdyq mólsherlemeler ózgerdi. Bırjadaǵy saýda shilde aıyndaǵy 2.1 mlrd  AQShdollarynan 2.2 mlrd AQSh dollaryna deıin ósti.  Tamyz aıyndaǵy teńgeniń kenetten kúsh alyp, bir baǵany uzaq ýaqyt turýyna osy faktorlar da áserin beripti.     UB ókiliniń paıymdaýynsha,   tamyz aıyndaǵy  maýsymdyq faktordan da teńge jyl saıyn birazǵa deıin qor jınap alatyn. Biraq bıylǵy pandemııaǵa qatysty   maýsymdyq faktor teńgemizge áser ete almapty.  

"Tamyz aıynda kepildendirilgen transfertti qamtamasyz etý maqsatynda Ulttyq Bank Ulttyq qordan shetel valıýtasyn 681 mıllıon dollardy
satty,  transferttiń konversııa mólsheri ótken aılarmen salystyrǵanda aıtarlyqtaı tómen boldy, biraq bul valıýta naryǵynda teńgerimsizdikke, basqasha aıtqanda teńgeniń tym qatty arzandap ketýine jol bermedi. Kvazımemlekettik sektor kompanııalary ózderiniń mindettemeleri sheńberinde valıýta túsimderiniń bir bóligin 266 mln dollardy satty. Bul valıýta naryǵynda usynys pen suranysty teńestirdi", –deıdi UB ókili  Álııa Moldabekova

Aldyn ala málimetter boıynsha, Qazaqstannyń halyqaralyq rezervteri Ulttyq qordyń aktıvterin qosqanda, tamyz aıynyń sońynda 94,1 mıllıard dollardy qurady. Tamyz aıynyń sońynda Ulttyq banktiń altyn-valıýta rezervteri bir aıda 22 mıllıon dollarǵa shamaly ósip, 35,4 mıllıard dollardy qurady. Altynnyń úlesinde de ózgeris joq.

Tamyzdyń teńgege degen qabaǵy túzý bolǵanmen, qyrkúıek aıy asa jaıly bastamady. Aıdyń basynan beri teńgemiz turaqtylyǵyn saqtaı almady. UB ókili munyń sebebin munaı baǵasynyń arzandaýynan dep biledi eken.    
Qyrkúıek aıynyń basynan bastap munaı baǵasy kúrt tómendeı bastady. Sarapshylar munyń sebebin ınvestorlardyń kómirsýtekterge degen suranys tómendeýinde dep otyr. Sebebi ınvestorda erteń baǵa qandaı bolady degen alań kóńil bar.  COVID-19-ǵa qarsy AstraZeneca vaksınasynyń synaqtaryn toqtata turý týraly habarlamalar týyndaǵan kezde ınvestorlar áliptiń  sońyn kútýge yńǵaı tanytqan. Kesheden bastap  sońynan bastap munaı baǵasy qalypqa keletin yńǵaı tanytyp, qor bırjasynda qozǵalys bastalypty.

Qyrkúıek aıynyń ortasynda Federaldyq ashyq naryq komıteti jınalady. Buǵan deıin AQSh-tyń Federaldy rezervtik júıesi stavkalardyń uzaq ýaqyt boıy tómen deńgeıde bolatyndyǵyn eskertken bolatyn.

Ortalyq banktiń buryn-sońdy bolmaǵan sharalarynan ótimdilik aǵyndary aktıvterge kúsh berip jatyr. Al naryq bolsa  koronavırýstyq pandemııa men onyń saldary, sondaı-aq osy jyldyń qarashasynda AQSh-taǵy prezıdent saılaýynyń keri saldaryna daıyndyqty bastap ketipti.

"Reseı rýbli de  geosaıası táýekelderdiń yqpalynda qaldy. Sarapshylar rýbldiń áliserýi aldaǵy ýaqytta jalǵasa beretinin aıtyp otyr.
–Munaı baǵasynyń sheshýshi faktorlaryn COVID-19 jáne OPEK + -ke múshe elderdiń saıasattaǵy endigi baǵyty anyqtaıdy. Ulttyq Bank syrtqy jáne ishki naryqtardaǵy oqıǵalarǵa baqylaýdy jalǵastyrady jáne tótenshe jaǵdaılar týyndaǵan kezde qarjylyq turaqtylyqty qamtamasyz etý úshin qolda bar quraldardyń barlyq spektrin paıdalanýǵa daıyn", –deıdi UB ókili.

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar