Dıqandar damyl tappaı júr

Jer toımaı, el toımaıdy de­meı me?! Bıyl kóktem men jaz­da topyraqtaǵy ylǵal tómen bol­ǵandyqtan, ónim kólemi de byl­tyrǵymen salystyrǵanda sál azdaý. Qazirgi ýaqytta oblys bo­ıynsha gektarynan 11,8 sentner astyq jınalsa, byltyr dál osy ýaqytta 18 sentner edi.       

Sharýalardyń basym kópshi­ligi egistik alqaptaryna joǵary surypty tuqym egip, ala jazdaı kútti, barynsha baptady. Shójeni kúzde sana demekshi, jıyn-terin ýaqyty aıaqtalǵan soń naqty ná­tı­jeni kórsetedi. Al ázirshe Úr­jar aýdanynda ǵana oraq orý 99 pa­ıyz naýqany aıaqtaldy. Úrjar Shyǵystyń ońtústiginde jatqandyqtan kóktem erte shy­ǵyp, dáni erte pisedi. Bul jaqta dándi daqyldar alqaby 60 myń gektardy qurasa, onyń 8800 gektary kúzdik bıdaı. Úrjar aýdandyq aýylsharýashylyq bóliminiń bas­shysy Erzat Bolatulynyń aıtýyn­sha, kúzdik bıdaıdy bıyl 10 gek­tarǵa jetkizýdi josparlap otyr.

Sonymen qatar Besqaraǵaı, Kók­pekti, Rıdder óńirlerindegi sharýalar da kúzgi ónim jınaýdy oıdaǵydaı aıaqtap keledi.

Al qysy alty aıǵa sozyla­tyn Katonqaraǵaı óńirinde jem­­­shóp daqyldary 23,3 myń gektar al­qapty alyp ja­­tyr. Boljam boıyn­sha, sharýa qojalyqtarynyń malyn qys­­tan alyp shyǵý úshin 166 myń tonna shóp, 6 myń tonna se­naj, 7,5 myń tonna súrlem, 15 myń tonna saban jáne 5,1 myń tonna konsentrattalǵan jem daıarlaý qajet eken. Qazirgi ýaqyt­­ta aýdan aýylsharýashylyq taýar­óndirýshileri 93,8 myń tonna shóp daıarlady. Qoımaǵa 6 myń tonna pishendeme tógilip, jos­pardyń 100 paıyzy oryndaldy.

Qary qalyń, qysy qatty taý­­ly ólkede maldy tebinmen shy­ǵarý múmkin emes. Sondyqtan da sha­rýalar jazdyń bir kúni qys­tyń myń kúnin asyraıdy dep kók shalǵynǵa shalǵy salatyn. О́kinishke qaraı, bıyl ja­ýyn-shashyn az túsip, shóp suıyq shyqqan. Bul tyǵyryqtan shy­ǵý úshin aýdannyń iri sharýa­shy­lyqtarynan artylǵan shabyn­dyq­ty tegin shaýyp alý jóninde ke­lisim jasasqan. Nátıjesinde No­vopolıakovka jáne Aqsý aýyl­dyq okrýgterindegi qojalyq bas­shylary 10 myń gektardan astam shabyndyq alqaptaryn sha­ýyp alýǵa usyndy. Sondaı-aq jemshóp daqyldaryn aýdan aýmaǵynda satý boıynsha bı­lik ókilderimen kelissózder júr­gizildi. Aýdan aýmaǵynda or­ta eseppen bir orama shóp 8 myń teńgeden. Bul qa­rapaıym tur­ǵyndar úshin de tıimdi bolmaq.

Shyǵys Qazaqstan oblysy