Túlkibas aýdandyq polısııa bólimine jergilikti turǵynnan aryz kelip túsedi. Ol óziniń aryzynda belgisiz bir azamat ózine esirtki zatyn satpaq bolǵany jaıly kórsetedi. Osy jaıt QR QK-niń 297-baby (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha tirkeldi.
Jedel-izdestirý is-sharasy barysynda Túlkibas APB-niń polısııa qyzmetkerleri Túrkistan oblysy PD Esirtki qylmysyna qarsy is-qımyl basqarmasynyń jedel ýákilderimen birlesip, esirtki satpaq bolǵan kúdiktini ustady. Aıǵaqty zat retinde polısııa qyzmetkerleri kúdiktiden 50 gramnan astam “marıhýana” tárkiledi. Qazirgi tańda tergep-tekserý amaldary júrgizilýde.
Túrkistan oblysynyń polısııa qyzmetkerleri azamattarǵa zańsyz esirtki saqtap, ósirgen, satqandarǵa qylmystyq jaýaptylyq týraly eskertedi.
Sondaı-aq tártip saqshylary oblys turǵyndaryn salaýatty ómir saltyn ustanýǵa jáne zııandy ádetterden bas tartýǵa shaqyrady. Eger siz esirtkige qatysty máselege tap bolsańyz nemese osy salada qylmys jasaýǵa baılanysty aqparatty bilseńiz, tez arada polısııanyń “102” telefony boıynsha habar berińizder.
