*Almatyda jyl basynan beri 18 myńǵa jýyq jumys orny ashyldy. Keshe bul týraly málimdegen qala ákimi Ahmetjan Esimov ońtústik astanada ekonomıkalyq belsendi turǵyndarǵa shaqqanda jumyssyzdar retinde tirkelgenderdiń úlesi 0,2 paıyzdy qamtyp otyrǵanyn aıtty.
*Almatyda jyl basynan beri 18 myńǵa jýyq jumys orny ashyldy. Keshe bul týraly málimdegen qala ákimi Ahmetjan Esimov ońtústik astanada ekonomıkalyq belsendi turǵyndarǵa shaqqanda jumyssyzdar retinde tirkelgenderdiń úlesi 0,2 paıyzdy qamtyp otyrǵanyn aıtty.
*Kesheden bastap «Almaty-2 – Arys-1» baǵytynda qosymsha jedel jolaýshylar poıyzy iske qosyldy. Ol aptasyna bir ret, Almaty-2 stansasynan juma, Arystan senbi kúnderi attanady. Sostav quramynda 10 vagon, onyń ishinde 5 kýpe, 5 plaskartty vagon bar.
*Pavlodarda «Innovasııa – bolashaq energııasy» atty halyqaralyq ınnovasııalyq forým boldy. Onyń plenarlyq otyrysynda oblys ákimi Erlan Aryn: «Biz jaǵymdy ınnovasııalyq klımatty qalyptastyrýǵa, óńirimizge orasan zor ekonomıkalyq áleýet pen baı tabıǵı resýrsy bar sheteldik, otandyq jáne qarjylyq ortalyqtardy tartýǵa qyzyǵýshylyq tanytamyz» dep atap ótti.
*Shyǵys Qazaqstan oblysynyń Kókpekti aýdanynda muqtaj jandarǵa páter kiltteri tapsyryldy. Oblys ákimi Berdibek Saparbaev «Jasampaz ister – aýyl kelesheginiń qamy úshin» atty kerýen jumysynyń aıasynda ótken sharada, sondaı-aq, olarǵa túrli kólemde materıaldyq kómek usyndy.
*Shymkentte qalanyń eń qart turǵyny jáne jas sábıine qurmet kórsetildi. «Qala kúni» merekesi aıasynda ótken sharada shahar basshysy Darhan Satybaldy bastaǵan quttyqtaýshy top 104 jastaǵy Nazym Mámbetálı ájeıdiń shańyraǵynda bolyp, syı retinde úı kınoteatryn tartý etti. Al 28 qazan kúni dúnıege kelgen qalanyń eń jas turǵyny Qasymjomart Shirenbaıǵa ózine laıyqty syı-sııapat jasaldy.
*Qyzylordada munaı kompanııalary tumaýǵa qarsy vaksına egýge qarajat bóldi. Bul týraly oblystyq memlekettik sanıtarlyq-epıdemıologııalyq qadaǵalaý basqarmasy bastyǵynyń orynbasary Ulbosyn Ahanaeva málimdedi.
*Atyraý oblysy Jylyoı aýdanynda apatty úıler turǵyndary baspanamen qamtamasyz etildi. Osy maqsatta, oblystyq jumyldyrý daıyndyǵy basqarmasy men «Teńizshevroıl» kompanııasynyń kelisimshart jasasýy arasynda 195,0 mln. teńgege Qulsary qalasynan 64 páter satyp alyndy.
«QazAqparat», «Qazaqstan jańalyqtary», Bnews.kz, TengriNews, EgemenNews habarlary boıynsha daıyndaldy.
