Elbasy • 16 Qyrkúıek, 2020

Elbasynyń tóraǵalyǵymen Qaýipsizdik Keńesiniń otyrysy ótti

390 ret kórsetildi

Elbasynyń tóraǵalyǵymen Qaýipsizdik Keńesiniń otyrysy ótti, dep habarlaıdy Egemen.kz Elbasynyń baspasóz qyzmetine silteme jasap.

Kezdesýde halyqtyń densaýlyǵy men ekonomıkalyq qaýipsizdigin qamtamasyz etý máseleleri qaraldy. Eń aldymen Qaýipsizdik Keńesiniń Tóraǵasy dárigerlerdiń, polısııa qyzmetkerleriniń, áskerı qyzmetkerlerdiń jáne koronavırýs ınfeksııasymen kúresýge úles qosqan basqa da sala ókilderiniń janqııarlyq eńbegin atap ótti.

Kezdesý barysynda Densaýlyq saqtaý mınıstri A.Soı qazirgi epıdemııalyq qaýip-qaterlerge daıyndyq týraly baıandama jasady. Sonymen qatar Qaýipsizdik Keńesiniń músheleri Ulttyq ekonomıka mınıstri R.Dálenovtiń áleýmettik-ekonomıkalyq damýdyń qazirgi táýekelderi men olardy aldyn alý sharalary týraly, sondaı-aq Bilim jáne ǵylym mınıstri A.Aımaǵambetovtyń bilim berý prosesiniń turaqtylyǵyn qamtamasyz etý máseleleri týraly esepterin tyńdady.

Nursultan Nazarbaev jahandyq pandemııanyń "ekinshi tolqynyna" resýrstardy daıyndaý, aldyn-alýdyń keshendi sharalaryn ázirleý qajettigin, sondaı-aq syrqattaný deńgeıin shynaıy baǵalaý men boljaýdyń mańyzdylyǵyn atap ótti.

– Daǵdarystan keıingi kezeńdegi damý boljamyn, qaýip-qaterler men múmkindikterdiń tujyrymdamalyq josparyn ázirleý qajet. Daǵdarystan keıingi kezeńdegi damý josparyn búgingi jaǵdaılardy eskere otyryp, taǵy da pysyqtaý kerek. Biz pandemııamen kúrestiń eń qıyn ssenarııine jáne onymen baılanysty qaýip-qaterlerge daıyn bolýymyz kerek, – dedi Qaýipsizdik Keńesiniń Tóraǵasy.

Sonymen birge kezdesý barysynda quqyq qorǵaý organdaryna qylmystyq ahýaldyń nasharlaýyna jáne qylmystyń ósýine jol bermeý, sondaı-aq aldyn alý sharalaryn ázirleý tapsyryldy.

– Halyqty azyq-túlikpen jáne dári-dármektermen úzdiksiz qamtamasyz etý, áleýmettik mańyzy bar taýarlardyń baǵasy men tarıfterdi negizsiz ósirýge jol bermeý úshin tıisti sharalar qabyldaý mańyzdy. Sondaı-aq jylytý maýsymyna sapaly daıyndyq jasap, basqa da ózekti strategııalyq máselelerge kóńil bólý kerek, – dep qorytyndylady Qaýipsizdik Keńesiniń Tóraǵasy.

Sońǵy jańalyqtar

Uqsas jańalyqtar