Salyq jáne keden zańnamasyn jetildirýdegi aǵymdaǵy máselelerdi talqylaý, memleket pen bıznestiń ózara is-qımyl formatyn qurýdyń kezi kelgenin alǵa tartty.
Aıta ketý kerek, bul shara "Protecting Business and Investments" jobasy sheńberinde ótti. Syrtqy ister mınıstrlikteri men Investısııalar jáne damý mınıstrligi arasyndaǵy memorandým aıasynda qurylǵan "Bıznesti jáne ınvestısııalardy qorǵaý" jobasy el ekonomıkasyna ınvestısııalaý prosesin jeńildetý, sondaı-aq bıýrokratııalyq prosedýralar men sybaılas jemqorlyqtyń aldyn alý maqsatynda bıznesti sybaılas jemqorlyqqa qarsy qoldaý boıynsha jumys isteıdi.
Almatydaǵy Syrtqy ister mınıstrligi ókildiginiń basshysy E.Ysqaqov Qazaqstanda sheteldik kompanııalar úshin qolaıly ınvestısııalyq ahýal qalyptasqanyn, jeńildetilgen salyq rejımi, ulttyq zańnamalar únemi jetildirilip, ınvestısııalyq preferensııalar paketi beıimdelip, turaqty túrde vızalyq rejımdi jeńildetý boıynsha biraz tirliktiń basy qaıyrylǵanyn habarlap, forým qonaqtarynyń jumysyna sáttilik tiledi.
Almaty qalasy boıynsha Memlekettik kirister departamentiniń basshysy A.Bekberdıev salyqtyq jáne kedendik ákimshilendirýdi jetildirýge, sondaı-aq preferensııalyq maǵynanyń jańa quraldaryn jasaýǵa nazar aýdara otyryp, fıskaldyq saıasatta bolyp jatqan oń úrdisterdi atap ótse, Sybaılas jemqorlyqqa qarsy is-qımyl agenttiginiń Almaty qalasy boıynsha Departamentiniń basshysy N.Saparov sońǵy ýaqytta shaǵyn jáne orta bıznesti qorǵaý máselesinde bolǵan jaǵymdy ózgeristerdi belgilep, vedomstvonyń ınvestısııalyq alańnyń sybaılas jemqorlyqqa qarsy kúrestegi qadamdaryn týraly jınalǵandardy habardar etti. Kez kelgen kompanııaǵa prespektıvaly salanyń, ótkizý naryqtarynyń bolýy ǵana emes, bıznes úshin qolaıly ortanyń bolýy da mańyzdy ekeni spıkerdiń nazarynan tys qalmady.
Almaty ınvestklımat boıynsha jetekshi orynǵa ıe. Dúnıejúzilik banktiń ultishilik reıtıngisinde Almaty bıznesti júrgizý jeńildigi boıynsha Qazaqstannyń barlyq óńiri arasynda birinshi orynda tur.
О́tken jyldyń sońynda Fitch agenttigi Almatyǵa VVV nesıelik reıtıngin – Qazaqstannyń derbes reıtıng deńgeıin berdi, bul ınvestısııa úshin táýekeldiń tómengi deńgeıin bildiredi. Is júzinde Qazaqstandaǵy eń úzdik bıznes-klımat Almatyda ekenin sarapshylardyń bári moıyndaıdy. Sonymen qatar Ortalyq Azııadaǵy ózge birde-bir megapolıs mundaı halyqaralyq nesıelik reıtıngke ıe emes.
"Shaǵyn bıznes jónindegi halyqaralyq keńestiń (ICSB) málimetteri boıynsha álemdegi ShOB barlyq kásiporyndardyń 90% -dan astamyn quraıdy, jalpy jumyspen qamtylǵandardyń orta eseppen 70% jáne JIО́-niń 50% quraıdy. Osy turǵyda azamattardyń ál-aýqaty naqty jeke sektordaǵy jaǵdaıǵa baılanysty bolatyndyǵyn naqty túsiný kerek. Buǵan salyqtyq túsimder, jumys oryndaryn qurý, jańa tehnologııalar jáne adamı kapıtaldy damytý kiredi. Bir sózben aıtqanda, bıznes memleketke halyq aldyndaǵy áleýmettik mindettemelerin oryndaýǵa kómektesedi. Bıznestiń tıimdi jaǵdaılaryn neǵurlym tıimdi jasasaq, soǵurlym ol jemisti jumys istep, qoǵamǵa paıda ákeledi", dep atap ótti Sybaılas jemqorlyqqa qarsy is-qımyl agenttiginiń Almaty qalasy boıynsha Departamentiniń basshysy N.Saparov.
Almaty qalasy sybaılas jemqorlyqqa qarsy is-qımyl departamenti basshysynyń birinshi orynbasary D. Taýmurat bıznespen jumys jasaý "bir jaqty oıyn" bolmaýy kerek ekenine toqtalyp ótti. Memlekettik organdarmen ózara árekettesý kezinde zańsyz áreketterdiń bastamashysy kásipkerlerdiń ózderi bolatyn jaǵdaılar kezdesip qalatynyn da jasyrmady.
"Bul baǵytta kásipkerlerdiń óz sanasyn ózgertý mańyzdy. Qoǵamda quqyqtyq mádenıetti qalyptastyrý, adaldyq jáne sybaılas jemqorlyq kórinisterine múldem tózbeýshilik qaǵıdattaryn qalyptastyrý qajet. Sondyqtan, kásipkerlerdiń sanasynda óz quqyqtaryn qorǵaýǵa, olardy quqyqtyq qorǵaýda memleket kepildik bergen barlyq quraldar men sharalardy júzege asyrýǵa degen umtylysty qalyptastyrý qajet", dep sózin túıindedi D. Taýmurat.
"Qazaq Invest" UK" AQ aımaqtyq dırektory D.Balıev qatysýshylardy ınvestısııalyq jobalardy tartý men baqylaý jańa algorıtmderimen, respýblıkaǵa ınvestısııa tartý qoldanystaǵy áleýetimen jáne ınvestorlarǵa barynsha kómek kórsetý múmkinshilikterimen tanystyrdy.
Forým sheńberinde qatysýshylar salyqtyq jáne kedendik ákimshilendirý salasyndaǵy suraqtar boıynsha betpe-bet pikir almasý múmkinshiligin paıdalana otyryp, ınvestısııalyq kópjaqty ózara is-qımyldy damytýǵa úlken áleýettiń bar ekenin kórsetti. Bul jolǵy forýmnyń nátıjesi qatysýshylar qatarynan Jumys tobyn qurý bastamasy boldy.
Onyń múshelerine jobalardy basqarýdy jedel qarqynmen júzege asyrýǵa, pandemııa men karantınnen keıingi kezeńnen týyndaǵan jaǵdaılardy eskere otyryp, jedel sıpattaǵy máselelerdi sheshýge múmkindik beredi.
Is-shara Bas memlekettik sanıtarlyq dáriger qaýlylaryna sáıkes áleýmettik qashyqtyqty saqtaý jáne jeke qorǵanys quraldaryn paıdalaný esebimen ótti.
ALMATY
