Elorda turǵyndary bilikti, tegin, quqyqtyq jáne psıhologııalyq kómek ala alady. Ol úshin elordada birqatar qoǵamdyq qorlar men ortalyqtar jumys isteıdi. Nur-Sultandaǵy "Senim" medıasııa ortalyǵyna osy jyldyń naýryz aıynan bastap 1128 adam ótinish bildirgen, olardyń 500-ge jýyǵy onlaın-keńe aldy.
"Júgingenderdiń 30 %-y otbasylyq máseleler boıynsha kelse, 70 %-y eńbek quqyǵy týraly keńes aldy. Kóbine eńbek zańy buzylǵan jaǵdaıda jáne otbasylyq qıyndyqtar máselesi boıynsha keledi", deıdi "Senim” medıasııa ortalyǵynyń dırektory Ásel Moldaǵalıeva.
Kómekti myna mekenjaı boıynsha alýǵa bolady: Abaı dańǵyly, 38, kab. 112. Sondaı-aq, keńes alý úshin 64-34-78 nemese +7 771 996 09 27 jáne 8 701 196 60 51 baılanys nómirine habarlasýǵa bolady.
"Rýhanı qoǵam álemi" QQ otbasy qundylyqtaryn nyǵaıtý jáne gendrlik mádenıetti qalyptastyrý” jobasy aıasynda jyl basynan bastap psıhologııalyq kórsetip keledi. Uıym karantın kezeńinde onlaın-formatta ótetin trenıngter men semınarlar ótkizgen.
"Búginde bizdiń kómegimizge 155 adam júgindi. Onyń 120-sy otbasylyq problemalar boıynsha, 35 adam jeke basyna baılanysty keńester aldy. Keńes alýǵa kóbine myna máseleler boıynsha kelip jatady: ata-ana men balanyń arasyndaǵy túsinispeýshilik, áleýmettik jaǵdaıǵa baılanysty otbasylyq janjaldar, jabyq keńistikte qalǵannan keıin er men áıel arasyndaǵy bir-birine degen renish, ókpe jáne t.b.", deıdi "Rýhanı qoǵam álemi" QQ prezıdenti, Psıhologter lıgasynyń múshesi Lımana Qoıshıeva.
Keńes alý úshin senim telefony +7 771 888 1777 nómiri boıynsha jumys isteıdi, sondaı-aq Áýezov,19 mekenjaıy boıynsha ornalasqan Nur-Sultan qalasynyń azamattyq bastamalardy qoldaý ortalyǵynyń jeke keńes berý kabınetine barýǵa bolady. Quqyqtyq kómekke keletin bolsaq, elorda turǵyndaryna "Astana Jastary" jastar resýrstyq ortalyǵynda kórsetiledi. Stýdentter, múmkindigi shekteýli adamdar, kámeletke tolmaǵandar, jas otbasylar, áskerı qyzmetshiler, jaqynda bas bostandyǵynan aıyrý oryndarynan bosatylǵan adamdar, sondaı-aq qıyn ómirlik jaǵdaıǵa tap bolǵan adamdar júgine alady.
Ortalyq mamandary aýyzsha nemese jazbasha keńes beredi, quqyqtyq sıpattaǵy qujattardy, ótinishterdi, aryzdardy, ótinishterdi, shaǵymdardy, sharttardy jasaýǵa kómektesedi. Zańgerler otbasylyq, turǵyn úı, eńbek, azamattyq nemese tutynýshylyq máseleler boıynsha kómektese alady.
Kómekke 8 (717) 224-95-72 nómiri boıynsha júginýge bolady. Sondaı-aq, "Astana Jastary" jastar resýrstyq ortalyǵynyń keńsesine kelýińizge bolady: Saryarqa dańǵyly, 13, 516 kabınet, saǵat 09:00-den 18:00-ge deıin, ózińizben birge jeke kýáligińiz ben qujattaryńyz bolýy tıs. Sonymen qatar, áleýmettik jelilerde: Vkontakte "Besplatnaıa ıýrıdıcheskaıa konsýltasııa", Instagram-da "free_legal_advice" paraqshalarynda ótinish qaldyrýǵa bolady.
