Is-sharaǵa QR Syrtqy ister mınıstrliginiń Qazaq dıasporasymen jumys júrgizý basqarmasynyń basshysy Muhtar Káribaı, QR Saýda jáne ıntegrasııa mınıstrliginiń Halyqaralyq yntymaqtastyq departamenti dırektorynyń orynbasary Jalǵas Balǵojın jáne "KazakhInvest" UK" AQ basqarma tóraǵasynyń keńesshisi Marat Esenov, sondaı-aq "KazakhInvest" UK" AQ-nyń Túrkııadaǵy ókili Nurlan Ahmetov qatysyp, Túrkııada turatyn qandastarmen úlken dıalog alańy quryldy.
Sheteldegi qandastarmen baılanys ornatqan onlaın kezdesý barsynda Túrkııadaǵy qazaqtardyń máselesi talqylanyp, bıznes salasyndaǵy jobalary men josparlar aıtylyp, eki el arasynda ózara yntymaqtastyq ornatý boıynsha usynystar aıtyldy.
Aıta keteıik, is-shara nátıjesinde "KazakhInvest" UK" AQ-nyń Túrkııadaǵy ókili Nurlan Ahmetovpen Qazaqstanǵa ınvestısııa tartý suraqtary boıynsha Stambýl qalasynan Erol Iolchy, Ertolqyn Gaıratýlla jáne Antalııa qalasynan Aqmaral Gabdıeva Túrkııada turatyn iri kásipkerlerdi baılanystyrý jumystaryn iske asyratyn bolady. Sonymen qatar Ertolqyn Gaıratýlla myrzanyń Stambýl jáne Ankara qalalarynda "Qazaqtardyń mádenı-iskerlik ortalyǵyn" ashý týraly usynysy qoldaý taýyp, jıynnyń hattamasyn negizinde QR Syrtqy ister mınıstrligine hat joldanatyn bolady.
"Otandastar qorynyń" Qazaqstan Respýblıkasyndaǵy bıznesti qoldaý baǵytynda jumys atqaratyn barlyq operatorlarmen baılanys ornatqanyn jáne elimizge kelip kásipkerlikpen aınalysqysy keletin qandastarǵa bıznesti qoldaý tetikterin uıymdastyrý úshin dáneker bolýǵa daıyn", - dedi jıyn barysynda Qandastardy qoldaý departamentiniń ókili Anas Ahatuly.
