18 qyrkúıekte Kosmıcheskıı kóshesiniń boıyndaǵy bir dúkenniń janynda belgisiz azamat 42 jastaǵy qala turynyna pyshaq jaraqatyn salǵan. Asa aýyr qylmysty ashý maqsatynda tájirıbeli qyzmetkerler qatarynan jedel-tergeý toby qurylyp, kúdiktini kóp uzamaı qolǵa túsirgen.
"Saýatty josparlanǵan tergeý jumysy men krımınaldyq polısııa qyzmetkerleri ótkizgen jedel-izdestýri is-sharalarynyń nátıjesinde qaskúnem ustaldy. Ol osynyń aldynda birneshe ret qylmystyq jaýapkershilikke tartylǵan", - deıdi oblystyq Polısııa departamenti bastyǵynyń orynbasary Eldos Zakımov.
Qazirgi ýaqytta istiń mán-jaıy anyqtalýda. Qylmystyq kodekstiń 24-b. 3-b, 99 b. 1-b «Adam óltirýge oqtalý» boıynsha sotqa deıingi tergep-tekserý amaldary júrgizilip jatyr.
