Zertteýshiler Sholpannyń qyshqyldy bulttarynda mıkrobtar bolýy múmkin dep esepteıdi. Olar fosfın qaldyqtarynyń planetada bar ekenin anyqtaǵan. Bul jerdegi ottegisiz ortadaǵy bakterııalar shyǵaratyn gaz. Ǵalymdardyń boljamy naqtylansa, alǵash ret jerden tysqary aspan denesinde tirshilik tabylmaq.
NASA qazirgi tańda kún júıesine planetaaralyq tórt zond jiberýdi josparlap otyr. Solardyń biri – DAVINCI+ dep atalady. Atalǵan zond Sholpan planetasynyń atmosferasyn zertteıtin bolady.
«DAVINCI+ mıssııasymen jumys isteıtin astrobıolog Devıd Grınspýnnyń sózine súıensek, ǵarysh kemesi Veneranyń atmosferasyna enip, onda ne bolyp jatqanyn bilýge múmkindik beredi. Budan bólek, IVO – Iýpıterdiń Io janartaýly serigine, Trident – Neptýnnyń eń úlken serigi Trıtonǵa jiberilmek, al VERITAS mıssııasy Veneranyń geologııalyq qurylymyn zerttemek», deıdi Reuters.
