Otandyq JOO dıplomdary Eýropada jaramdy

Vedomstvo taratqan habarlamada: «2021 jyldan bas­tap elimizdegi joǵary oqý oryndarynyń túlekterine jańartylǵan qosymshalary bar dıplom beriledi. Atalǵan qosymshada elimizde alǵan joǵary bilim biliktiliginiń eýropalyq biliktilik sanatymen sáıkes keletini mindetti túrde kórsetiledi. Bolon prosesiniń hatshylyǵy Qazaqstannyń Joǵary bilim berý ulttyq biliktilik sheńberiniń ózdiginen sertıfıkattaý boıynsha esebin qabyldady. Endi elimizdegi joǵary oqý oryndarynyń dıplomdary Eýropa elderinde jaramdy bolady. Bul shetel­dik azamattar tarapynan qazaq­stan­dyq joǵary bilimge degen qyzyǵýshylyqty arttyrady», delingen.

Bolon prosesiniń hat­shyly^­­ǵy qabyldaǵan О́zin-ózi sertıfıkattaý boıynsha esepti daıyndaý úshin Bilim jáne ǵylym mınıstriniń buı­ry­­ǵymen vedomstvoaralyq ju­mys toby qurylǵan. Onyń quramyna Bilim jáne ǵylym mınıstrligi, Eńbek jáne halyqty áleýmettik qorǵaý mınıstrligi, «Atameken» Ult­tyq kásipkerler palatasy, sala­lyq qaýymdastyqtar jáne qazaqstandyq joǵary oqý oryn­da­rynyń ókilderi kirdi.

Mınıs­trliktiń málim­de­ýin­she, О́zin-ózi sertıfıkattaý boıynsha esep Joǵary bilim berý úshin ulttyq biliktilik sheńberiniń Eýropalyq joǵary bilim berý keńistigimen (EJBK) úılesimdiligi, sondaı-aq salys­tyr­malylyǵyn kórsetti. Bul – Qazaqstannyń joǵary jáne joǵary oqý ornynan ke­ıingi bilim berý jónindegi ulttyq júıeniń eýropalyq joǵary bilim berý keńistiginiń bilim berý júıelerimen sátti úılesimdiliginiń aıqyn dáleli.

Aıta keteıik, Bolon pro­sesi eńbek naryǵynda aza­mat­tar­dyń utqyrlyǵyn damytý, eýropalyq joǵary bilimniń bá­se­kege qabilettiligin arttyrý, joǵary bilimniń ult­tyq júıelerin úılestirý maq­satynda 1999 jyly 29 eldiń Bilim mınıstrleriniń bastamasymen quryldy.