Elimizdiń maqtaýly aýyr atletıka salasy naǵyz masqaraǵa ushyrady. Buǵan Halyqaralyq aýyr atletıka federasııasynyń bıylǵy jarystar boıynsha dopıng qoldanǵandary dáleldengen ziltemirshiler tizimin jarııalaǵany sebep boldy. Sol tizimde Qazaqstannyń 9 atletiniń attary ataldy.
Elimizdiń maqtaýly aýyr atletıka salasy naǵyz masqaraǵa ushyrady. Buǵan Halyqaralyq aýyr atletıka federasııasynyń bıylǵy jarystar boıynsha dopıng qoldanǵandary dáleldengen ziltemirshiler tizimin jarııalaǵany sebep boldy. Sol tizimde Qazaqstannyń 9 atletiniń attary ataldy.
Sheńberge kirgen sportshylardyń bári 2 jylǵa barlyq jarystardan shettetiledi. Buǵan qosa, olar dopıng qoldaný arqyly jeńiske jetti dep eseptelgen saıystarda alǵan júldelerin túgel keri qaıtaryp beredi.
Test júrgizý nátıjesi sportshylar qandarynan dıgıdrohlormetıl-testosteron (Dehydrochloromethyl- testosterone) jáne stanozolol (Stanozolol) degen tyıym salynǵan dári-dármekter tapqan. Bulardyń arasynda Azııanyń Astanada ótken sońǵy chempıonatynyń altyn júldegerleri Aleksandr Zaıchıkov pen Aleksandra Aborneva, Bishkekte jasóspirimder arasynda ótken qurlyq birinshiliginiń jeńimpazdary men júldegerleri Maksım Loktınov, Erbolat Jolamanov, Ásem Sársekenova, Ǵalymbek Jubatqanov, Maıra Faızollaeva, Aıdar Qazov bar.
Endi bulardyń bári 2014 jyly Astanada ótetin álem chempıonatyna qatysa almaıdy. Osy arqyly 2016 jylǵy Rıo-de-Janeıro Olımpııalyq oıyndaryna lısenzııa beretin saıystan qaǵylýy múmkin.
Rýslan IGILIK.
