Polısııa qyzmetkerleri Maraldy aýylynyń shetindegi ormannan myltyq atylǵanyn estip, sol baǵytqa bet alǵan. Baqylaý barysynda orman ishinen "Toyota Hilux" avtokóliginiń shyqqanyn kórgen.
Jol talǵamaıtyn kóliktiń júrgizýshisi polısııa qyzmetkerlerine baǵynbastan jyldamdyqty asyryp, qasha jóneledi. Alaıda patrýldik avtokóliktegi polısııa ekıpajy olardyń izinen qalmaıdy. Nátıjesinde Semeı qalalyq Polısııa bóliminiń qyzmetkerleri tosqaýyl qoıyp, qolǵa túsiredi.
Avtokólikti qaraý barysynda júk salǵyshynan jabaıy ańnyń eti, qarý oqtarymen, jaryq-izdeýshi túrindegi qosalqy quraldar jáne pyshaq tabylyp,tárkilengen.
"Tergeý barysynda elikti 40 jastaǵy Borodýlıha aýdanynyń jergilikti turǵyny atqany anyqtaldy. Kúdikti kinásin tolyǵymen moıyndady. Qazirgi tańda osy fakti boıynsha QR QK 337 babynda qarastyrylǵan qylmys belgilerimen sotqa deıingi tergep-tekserý bastalyp, saraptamalar taǵaıyndaldy. Atalǵan tuıaqty janýar "Sibir eligi" ekeni naqtylandy", dedi oblystyq Polısııa Departamentiniń bastyǵy Saǵat Mádıev.
Shyǵys Qazaqstan oblysy
