Qazaqstan • 23 Qyrkúıek, 2020

Túrki akademııasynyń basshysy Ashat Aımaǵambetovpen kezdesti

165 ret

kórsetildi

1 mın

oqý úshin

Búgin Halyqaralyq Túrki akademııasynyń prezıdenti Darhan Qydyráli Qazaqstan Respýblıkasynyń Bilim jáne ǵylym mınıstri Ashat Aımaǵambetovpen kezdesti, dep habarlaıdy Egemen.kz akademııanyń baspasóz qyzmetine silteme jasap.

Jibek AǴDARI

Túrki akademııasynyń basshysy Ashat Aımaǵambetovpen kezdesti

Kezdesý barysynda taraptar bıyl ǵulama ál-Farabıdiń 1150 jyldyǵy arnalǵan qorytyndy shara jospary talqylady.

Akademııa basshysy 19 qazan kúni Bilim jáne ǵylym mınıstrligimen birlesip ótkizetin halyqaralyq forýmnyń daıyndyq barysyn tanystyrdy. Sondaı-aq atalǵan sharaǵa IýNESKO, ISESKO sekildi halyqaralyq uıymdardyń basshylary men jaýapty ókilderi, ǵylym akademııalary men áriptes qurylymdardyń jetekshileri, kóptegen elderdiń joǵary laýazymdy tulǵalary jáne álemniń jetekshi farabıtanýshy ǵalymdary qatysatyndyǵy týraly aqparatpen bólisti .

О́z kezeginde Ashat Aımaǵambetov Akademııanyń jaýapty jumystaryna sáttilik tilep, qoldaý kórsetetinin jetkizdi.

Aıta ketý kerek, bıyl Ǵylymı keńestiń III otyrysynda Túrki akademııasyna túrki áleminiń ataýly datalar tizimine engen ál-Farabıdiń 1150 jyldyǵyn ulyqtaýǵa arnalǵan birqatar mańyzdy sharalardy atqarýǵa senim artylǵan bolatyn.